नवी दिल्ली | नागरिकत्व सुधारणा कायद्या (सीएए) विरोधातील आंदोलनाला आता हिंसक वळण लागले आहे. तर पोलीस उपायुक्तांसह अनेक पोलीस जखमी झाले आहेत. दिल्लीत मौजपूरजवळ भागात आंदोलनादरम्यान गोळीबार करण्यात आला. यात कॉन्स्टेबल रतन लाल यांचा मृत्यू झाला. तर डीसीपी अमित शर्मा हे जखमी झाले.
One Delhi Police head constable has lost his life and one DCP injured during clashes between two groups in Delhi's Gokulpuri.
— ANI (@ANI) February 24, 2020
दिल्लीच्या उत्तर-पूर्व दिल्लीच्या जाफराबाद आणि मौजपूर परिसरात आंदोलकांनी काही घरांनाही आग लावण्यात आली. यामुळे परिसरात तणाव वाढला होता. सलग दुसऱ्या दिवशी या परिसरात सीएए आणि एनआरसीवरुन आंदोलन सुरु आहे. सीएए-एनआरसी समर्थक आणि विरोधक समोरासमोर आल्याने त्याचे रुपांतर हिंसाचारात झाले. दोन्ही गटांनी एकमेकांवर दगडफेक केल्याने मोठे तणावाचे वातावरण त्याठिकाणी निर्माण झाले होते. परिस्थिती नियंत्रणात आणण्यासाठी पोलिसांनी अश्रूधुराच्या नळकांड्या फोडल्या.
दिल्लीतील परिस्थितीवर नियंत्रण मिळवण्यासाठी आता निमलष्करी दलाच्या तुकड्या रवाना करण्यात आल्या आहेत. पोलिसांची संख्या अपूर्ण असल्याने निमलष्करी दलाच्या जवानांना तैनात करण्यात येणार आहे. आंदोलकांकडून पोलिसांना लक्ष्य करण्यात येते. पोलिसांवर दारुच्या बाटल्या आणि दगडफेक करण्यात येत आहे. तर पोलीस नागरिकांना शांततेचे आवाहन करत आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
