मुखमैथुन गंभीर गुन्हा, आज कोर्टाचा निर्णय

अहमदाबाद(वृत्तसंस्था): मुखमैथुनसाठी पत्नीवर बळजबरी करणे म्हणजे क्रूरतेने केलेला संभोग, वैवाहिक आयुष्यातील क्रूरता किंवा बलात्कार म्हणावा का, या महत्त्वाच्या सामाजिक प्रश्नांवर गुजरात उच्च न्यायालय फैसला सुनावणार आहे. तसेच अशा प्रकरणांमध्ये पतीवर खटला चालवला जाऊ शकतो का? याबाबतही न्यायालय निर्णय देणार आहे. मुखमैथुनसाठी जबरदस्ती करत असल्याची तक्रार पत्नीने पतीविरोधात केली होती. या प्रकरणी त्याच्यावर गुन्हा दाखल करण्यात आला होता. पती-पत्नी असल्याने शोषण अथवा बलात्कार होऊ शकत नाही, अशी बाजू त्याने न्यायालयात मांडली होती. तसेच आपल्यावरील आरोप हटवण्यात यावे, अशी मागणीही याचिकेद्वारे केली होती. त्यावर सोमवारी झालेल्या सुनावणीवेळी न्यायालयाने राज्य सरकारकडे उत्तर मागितले आहे. तसेच तक्रारकर्त्या पत्नीला नोटीस पाठवली आहे.