नोटबंदीवरून संघाचा सरकारला घरचा आहेर

नवी दिल्ली- नोटाबंदी फसल्याचे रिझर्व्ह बँकेच्या आकडेवारीनुसार स्पष्ट झाल्यानंतर केंद्र सरकारवर चौफेर टीका होत आहे. राष्ट्रीय स्वयंसेवक संघही यात मागे नाही. भारतीय मजदूर संघ आणि भारतीय किसान संघानेही नोटबंदीवर नाराजी व्यक्त केली असून नोटाबंदीचा सर्वाधिक फटका शेती आणि छोटय़ा उद्योगांना बसल्याचे स्पष्टपणे म्हटले आहे. नोटाबंदीचे गंभीर परिणाम बांधकाम क्षेत्र, छोटे उद्योग आणि कृषी क्षेत्रातील मजुरांना भोगावे लागत आहेत. देशातील २५ टक्के आर्थिक व्यवहारांवर नोटाबंदीचा प्रतिकूल परिणाम झाला आहे, असे स्पष्ट मत भारतीय मजदूर संघाचे राष्ट्रीय अध्यक्ष साजी नारायणन यांनी मांडले आहे. मजुरांसाठी अर्थसंकल्पात विशेष तरतूद करा, किमान मजुरीचा दर वाढवा, मजुरीसाठी सामाजिक सुरक्षा योजना लागू करा या मागण्या त्यांनी केल्या आहेत.