वॉशिंग्टन – घरातील सुवासिनींकडून औक्षण करून घेऊन, देवापुढे दीप लावून वाढदिवस साजरा करण्याची आपली परंपरा आहे. त्याला बगल देत आपण सध्या पाश्चात्यांचे अंधानुकरण करीत आहोत. सरत्या वया इतक्या मेणबत्त्या पेटवून केकवर लावायच्या आणि फुंकर घालून विझवायच्या अशी नवी टूम हल्ली आली आहे. मात्र ही मेणबत्ती विझविण्याची पद्धत आरोग्याच्या दृष्टीने अत्यंत घातक असल्याचे नव्या संशोधनातून स्पष्ट झाले आहे. या पद्धतीमुळे वाढदिवसाच्या केकवरील जंतूंची संख्या तब्बल १४०० टक्क्यांनी वाढते, असेसंशोधकांचे म्हणणे आहे.
वाढदिवसाच्या दिवशी केक सजवून ठेवलेला असतो, त्यावर मेणबत्ती लावलेली असते व ती फुंकर मारून विझवली जाते. पण अमेरिकेतील क्लेमसन विद्यापीठाच्या वैज्ञानिकांनीकेलेल्या संशोधनानुसार, यामुळे केकवरील जंतू वाढून आरोग्याला धोका निर्माण होतो. जर्नल ऑफ फूड रीसर्च या नियतकालिकात हे संशोधन प्रसिद्ध झाले असून प्राचीन ग्रीसमध्ये शिकारीची देवता असलेल्या आर्टेमिसच्या मंदिरात मेणबत्ती पेटवून बरोबर केक आणण्याची पद्धत होती. इतर संस्कृतीतील आख्यायिकेप्रमाणे मेणबत्तीचा धूर हा सदिच्छा व प्रार्थना देवापर्यंत पोहोचवतो. अनेक देशात ही परंपरा आहे, पण जेव्हा आपण मेणबत्तीवर फुंकर मारतो तेव्हा मानवी श्वासातील बायोएरोसोलमधील जिवाणू केकच्या पृष्ठभागावर बसतात. एरोसोल केकवर गेल्याने हा धोका निर्माण होतो. संशोधकांनी मेणबत्तीवर फुंकर मारल्यानंतरचे केकचे नमुने घेऊन तपासणी केली असता त्यात जिवाणू मोठय़ा प्रमाणावर आढळले. त्यामुळे जिवाणूंचे प्रमाण १४०० टक्के वाढते असे दिसून आले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
