मुंबई | जम्मू-काश्मीरमधील पुलवामा जिल्ह्यात झालेल्या भीषण दहशतवादी हल्ल्यामुळे निर्माण झालेल्या संतापातून युवा सेनेच्या कार्यकर्त्यांनी ३ ते ४ काश्मिरी विद्यार्थ्यांना ‘काश्मीरला परत जा” असे म्हणत जबर मारहाण केली होती. या पार्श्वभूमीवर आता युवा सेना अध्यक्ष आदित्य ठाकरे यांनी या प्रकरणाची गंभीर दखल घेत या सर्व कार्यकर्त्यांची युवासेनेतून हकालपट्टी केली आहे. आदित्य ठाकरे यांनी ट्विट करून ही माहिती दिली आहे.
युवा सेनेच्या १० ते १२ कार्यकर्त्यांनी या काश्मिरी तरुणांना केलेल्या मारहाणीचा व्हिडिओ सोशल मीडियावर प्रचंड व्हायरल झाल्यानंतर आदित्य ठाकरे यांनी या कार्यकर्त्यांची युवा सेनेतून हकालपट्टी केली. या प्रकरणी पोलिसांनी अजिंक्य मोतके याच्यासह आणखी ४ जणांना अटक केली होती. यापैकी ३ जणांना यवतमाळच्या कनिष्ठ न्यायालयाने जामीन मंजूर केला असून अजिंक्य मोतकेला १५ दिवसांची न्यायालयीन कोठडी देण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
