मुंबई | भारतीय क्रिकेट संघातील गोलंदाज मोहम्मद शमी यांची पत्नी हसीन जहाँ यांनी आता राजकारणात प्रवेश केला आहे. हसीन जहाँ यांनी काँग्रेसमध्ये प्रवेश केला आहे. काही महिन्यांपूर्वी गोलंदाज मोहम्मद शमी आणि त्याची पत्नी हसीन जहाँ यांच्यातील वादामुळे मोठी खळबळ माजली होती. हसीन जहाँ यांनी पती मोहम्मद शमीवर कौटुंबिक हिंसाचाराचे आरोप केले होते. त्यावेळी हसीन जहाँ यांच्या या आरोपांमुळे चर्चांना मोठे उधाण आले होते. हसीन यांनी मुंबई काँग्रेस प्रदेश अध्यक्ष संजय निरुपम यांच्या उपस्थितीत काँग्रेसमध्ये प्रवेश केला आहे.
हसीन जहाँ यांच्या राजकारणातील प्रवेशामुळे आता उलटसुलट चर्चांना उधाण येणार आहे. हसीन यांनी काँग्रेसमध्ये प्रवेश केल्याचे फोटो सोशल मीडियावर व्हायरल झाले आहेत. हसीन जहाँ यांनी मोहम्मद शमीवर विवाह बाह्य संबध असल्याचा आरोप देखील केला होता. यासोबतच त्यांच्यावर मॅच फिक्सिंगचाही आरोप केल्यामुळे शमीला चौकशीला सामोरे जावे लागले होते. बीसीसीआय आणि उत्तर प्रदेश पोलिसांकडून शमी यांची चौकशीही चौकशी करण्यात आली होती. बीसीसीआयच्या चौकशीत मात्र त्यांना क्लिन चीट मिळाली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
