नवी दिल्ली | अविश्वास प्रस्तावाबाबत संसदेत कॉंग्रेस पक्षाची भूमिका मांडताना कॉंग्रेस अध्यक्ष राहुल गांधी यांनी पंतप्रधान मोदींवर प्रचंड टिका केली. त्यातच स्वता उठून नरेंद्र मोदी यांची गळाभेट देखील घेतली. पक्षाच्या वतीने मत मांडताना पंतप्रधानांवर आरोप केल्यानंतर ते आपल्या नजरेला नजर भिडवू शकत नाहीत असे वक्तव्य कॉंग्रेस अध्यक्षांनी केले होते. कॉंग्रेस अध्यक्षांच्या अशा मिश्कील वक्तव्यावर तुमच्या डोळ्यांना डोळे भिडवणारे आम्ही कोण? असा सवाल पंतप्रधानांनी राहुल गांधींना केला.
देशातील विविध पक्षांच्या सदस्यांनी आपली भूमिका मांडल्यानंतर पंतप्रधान मोदी यांनी या प्रस्तावावर पंतप्रधानांनी मत मांडले. यावेळी बोलताना मोदी म्हणाले, ”तुमच्या डोळ्याला मी डोळे कसे भिडवणार, मी एका गरिब आईच्या पोटी जन्माला आलो, मी कामगार आहे, तुम्ही नामदार आहात. तुमच्या डोळ्यांना डोळे भिडवण्याचे धाडस माझे नाही.
काँग्रेसच्या नजरेला नजर मिळवण्याचा प्रयत्न करणाऱ्यांचे काय होते, हे आम्ही पाहिले आहे. आज डोळ्यांबाबत बोलताना जो डोळे मारण्याचा खेळ झाला तो सगळ्या देशाने पाहिला आहे”, असे सांगत पंतप्रधान नरेंद्र मोदींनी लोकसभेत राहुल गांधी यांच्या आजच्या सभागृहातील कृत्याचा खरपूस समाचार घेतल्याचे पहायला मिळाले. यावेळी मोदींनी बोटांनी डोळे मिचकावण्याची कृती केल्याने सभागृहात एकच हास्य पसरले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
