पंजाब | जम्मू-काश्मीरच्या मार्गाने ४ ते ५ दहशतवादी पंजाबमध्ये घुसखोरी केल्याची माहिती केंद्रीय गृह मंत्रालयला मिळाली आहे. ही माहिती मिळताच पंजाब सरकारने राज्यात हाय अलर्ट जारी केला आहे. हे दहशतवादी पाकिस्तानी गुप्तचर यंत्रणा आयएसआयच्या सांगण्यावरुन दहशतवाद पसरवण्यासाठी घुसले असल्याची माहिती सरकारला मिळाली आहे.
या संदर्भात पंजाब पोलिसांनी संवेदनशील ठिकाणांची पाहणी करुन त्या ठिकाणी कडेकोट बंदोबस्त केला असून मशीद आणि दर्गा येथे देखील पोलीस बंदोबस्त ठेवण्यात आला आहे. केंद्रीय गृह मंत्रालयाला मिळालेल्या माहितीनुसार ईदच्या निमित्ताने पंजाबमध्ये मोठा दहशवादी कारवाय करण्याचा त्यांचा कट असल्याचे कळते. हे दहशतवादी काश्मीरच्या मार्गाने पंजाबमध्ये घुसले असून दहशतवादी कोणत्याही मशीद आणि दर्गामध्ये शरण घेऊ शकतात. त्यामुळे राज्याची सुरक्षा लक्ष्यात घेऊन हाय अलर्ट जारी केल्याची माहिती पंजाब सरकारने दिली आहे.
दहशतवादींनी घुसखोरी केल्याची माहिती मिळताच राज्यातील हॉटेल आणि गेस्ट हाउस या ठिकाणींची पाहणी पंजाब पोलीस करत आहेत. पाकिस्तानकडून गोळीबार सुरु असताना हे दहशतवादी काश्मीर मार्गाने भारतात घुसल्याची माहिती गृह मंत्रलयाला मिळाली आहे. पाक नेहमीच गोळीबार करताना त्यांचे दहशतवादी भारतात घुसखोरी करतात. ईदच्या निमित्ताने राज्यात कोणताही अनुचित प्रकरा घडू नये म्हणून मशीद आणि दर्गा या ठिकाणी कडेकोट पोलीस बंदोबस्त ठेवण्यात आला असल्याची माहिती पंजाबचे एसएसपी नवीन सिंगल यांनी ही माहिती दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
