मुंबई | पहिल्याच पावसात मुंबईची तुंबई झाल्याचे चित्र पहायला मिळत आहे. अगदी पावसाच्या सलामीलाच मुंबईत जागो जागी पाणी भरले आहे. शुक्रवारी पहाटेपासून मुंबईसह उपनगरात पावसाला सुरुवात झाली आहे. मुंबईत वर्षाचे 12 महिने मुंबईकरांना वेळेत डबा पोहचविणारे डबेवाले मात्र भर पावसात काम करताना पहायला मिळत आहे.
उन,वारा,पाऊस जरी असला तरी मुंबईचा डबेवाला मात्र आपली डबे पोहचविण्याची सेवा देण्यासाठी जीवाचा आटापिठा करत असतो. शनिवारी सकाळी भर पावसात भायखळा-राणीबाग या विभागात जेवणाचे डबे देण्याचे काम रोहीदास सावंत हे डबेवाले हसत हसत करत असल्याचे दिसून आले.
शनिवारी 1 नंतर मुंबईत पावसाने अधिकच जोर धरल्याचे दिसून आले. तरीही दुपार नंतरच्या जेवणानंतर रिकामे झालेले डबे तुंबलेल्या पाण्यातून मुंबईचे डबेवाले जमा करत असल्याचे दृश्य शनिवारी पहायला मिळाले. मुंबईतला कर्मचारी जर उन्हाळ पावसाळा काम करु शकतो तर मुंबईचा डबेवालाही त्यांना तितक्याच तत्परतेने जेवन वेळेत पोहचविण्याची मेहनत घेतो असे मत मुंबई डबेवाला असोसिएशनचे प्रवक्ते सुभाष तळेकर यांनी व्यक्त केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
