औरंगाबाद : रिक्षातून एकटीने प्रवास करणे, अद्यापही महिलांसाठी सुरक्षित होताना दिसत नाही. रिक्षाचालक भलत्याच दिशेला रिक्षा नेत असल्याने घाबलेल्या तरुणीने भरधाव रिक्षातून उडी घेतल्याची धक्कादायक घटना शहरात मंगळवारी घडली. याप्रकरणी सातारा ठाण्यात रिक्षाचालकाविरुद्ध अपहरणाचा गुन्हा नोंदविण्यात आलाआहे. संजय संपतराव चौधरी (४५, रा. गारखेडा, चित्तेपिंपळगाव), असे यातील आरोपी रिक्षाचालकाचे नाव आहे.
नक्षत्रवाडी येथील तरुणीला रेल्वेस्टेशन येथून नक्षत्रपार्क येथे जायचे होते. ती १ ऑगस्ट रोजी दुपारी ४ वाजेच्या सुमारास रेल्वेस्टेशन येथे आरोपीच्या रिक्षात बसली. रेल्वेस्टेशन येथून नक्षत्रपार्ककडे जाण्याऐवजी रिक्षाचालक बीड बायपासने एमआयटी कॉलेजकडे नेत असल्याचे तिच्या लक्षात आले. तिने विचारणा केल्यावरही आरोपीने काहीच उत्तर दिले नाही. अखेर अपहरणाचा संशय बळावल्याने एमआयटी वाहतूक सिग्नलवर धावत्या रिक्षातून तरुणीने उडी मारली. यात ती जखमी झाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
