उल्हासनगरच्या धुरू बारवर छापाबारबाला, वेटर्स, ग्राहक अशा ७५ जणांना अटक
उल्हासनगरच्या भर वस्तीत असलेल्या धुरू बारवर शुक्रवारी रात्री पोलिसांनी धाड टाकली. यावेळी बारमध्ये खुलेआमपणे बीभत्स नृत्य सुरू होतं. पोलिसांनी या बारमधून एकूण ७५ जणांना अटक केलीये.
सरकारने डान्सबार बंद केल्यानंतर मागील वर्षी न्यायालयाच्या परवानगीनं काही अटी घालून डान्सबार सुरू करण्याला परवानगी देण्यात आली होती. मात्र या अटी न पाळताच उल्हासनगरात कॅम्प २ भागातल्या नेहरू चौकात धुरू हा डान्सबार डान्सबार सुरू असल्याची माहिती पोलिसांना मिळाली होती. त्यानुसार शुक्रवारी रात्री १२.३० च्या सुमारास ठाणे गुन्हे शाखा आणि स्थानिक पोलिसांनी धुरू बारवर धाड टाकली. यावेळी तोकड्या कपड्यांमध्ये १५ बारबाला आणि २ तृतीयपंथी ग्राहकांमध्ये बिभत्स नृत्य करत असल्याचं आढळलं. त्यामुळं पोलिसांनी या बारबाला आणि तृतीयपंथियांसह बारचा मॅनेजर, कॅशियर, वेटर्स आणि ग्राहक अशा एकूण ७५ जणांना अटक केलीये. या सर्वांना शनिवारी उल्हासनगरच्या न्यायालयात हजर करण्यात आलं.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
