बीड -शेजाऱ्याने जागा बळकावल्याची तक्रार देऊनही पोलिसांकडून काहीच कारवाई होत नसल्याने त्रस्त झालेल्या एका इसमाने पोलीस अधीक्षक कार्यालयातच विष घेऊन आत्महत्येचा प्रयत्न केला. श्रीकृष्ण बापुराव सुरासे (वय ५५) असे आत्महत्येचा प्रयत्न करणाऱ्या इसमाचे नाव असून त्याच्यावर जिल्हा रुग्णालयात उपचार सुरू आहेत.
श्रीकृष्ण बापुराव सुरासे (रा. तलवाडा) यांच्या नावे १५ बाय २० जागा आहे. प्रत्यक्षात त्यांच्या ताब्यात सध्या केवळ सात फुट जागा आहे. उर्वरित जागा शेजारी मुसा मिस्त्री याने बळकावल्याचा आरोप त्यांनी केला आहे. दोन महिन्यांपासून या कारणावरुन मुसा व श्रीकृष्ण सुरासे यांच्यात वाद होता होता. या प्रकरणी सुरासे यांनी तलवाडा पोलिसांतही तक्रार दाखल केली होती. ग्रामपंचायतीकडेही निवेदन दिले होते. परंतु, तलवाडा पोलिसांनी असहकार्य करुन पोलिस कॉन्स्टेबल चव्हाण यांनी आपल्याला ठाण्याबाहेर हाकलून दिल्याचा आरोप सुरासे यांनी केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
