उत्तम बाबळे

नांदेड :- जिल्ह्यातील माै.सावरगाव (मेट) ता.भोकर येथील एका २७ वर्षीय तरुणीचा झोपेत असतांना विषारी सर्पदंश झाल्याने उपचारा दरम्यान मृत्यू झाला असून भोकर पोलीसात आकस्मीत मृत्यूची नोंद करण्यात आली आहे माै.सावरगाव (मेट) ता.भोकर येथील भोसले कुटूंब १६ जून २०१७ रोजी शेतातील काम करुन सायंकाळी घरी परतले.काम करुन थकल्यामुळे लगेच झोपी गेले.याच रात्री दरम्यान सर्वजन झोपलेल्या अवस्थेत असतांना एका विषारी सापाने घरात प्रवेश केला व कु.सुरमा नथू भोसले (२७) हिला दंश केला.यामुळे तिला उपचारार्थ भोकर येथील शासकिय ग्रामीण रुग्णालयात आणले असता उपचारा दरम्यान तिचा मृत्यू झाला.भोकर तहसिल कार्यालयातील सोनारी सज्जाचे तलाठी एस.जी.जगताप यांनी रुग्णालय व घटनास्थळी भेट दिली आणि रितसर पंचनामा केला आहे.सदरील पंचनाम्याचा अहवाल त्यांनी तहसिलदार व्यंकटेश मुंढे यांच्याकडे सादर केला असून तहसिलदार मुंढे यांनी तो ” स्व.गोपीनाथ मुढे नैसर्गीक आपत्ती व अपघात विमा ” मंजूरीसाठी तात्काळ वरीष्ठांकडे पाठविला आहे.तसेच भोकर पोलीसांनी या प्रकरणी १७ जून रोजी आकस्मीत मृत्यूची नोंद केली असून या दुर्दैवी मृत्यूने परिसरात हळहळ व्यक्त होत आहे.