पनवेल: गेल्या 48 तासात करंजाडेसह पनवेलमध्ये जवळपास 10 च्या वर घरफोड्या झाल्याने स्थानिक रहिवाशी भयभित झाले असून घरफोडी करणारी टोळीच पनवेल शहरात ठाण मांडून बसलीय आहे का? अशी चर्चा सर्वत्र सुरू आहे. दरम्यान पनवेल शहर पोलिसांना या संदर्भात काही धागेदोरे व संशयित आरोपींची माहिती मिळाली आहे.
शहराजवळील करंजाडे येथे दुध सेंटर, मेडीकल स्टोअर्स याच्यासह पनवेल शहरातील चप्पलवाले, मेडीकल स्टोअर्स, बिस्किट विक्रेता, फोटो स्टुडिओ तर काही घरातील किरकोळ भांडी चोरून नेल्याची घटना गेल्या 48 तासात घडली आहे. यामध्ये साधारण ऐवजासह रोख रक्कम मिळून जवळपास लाखो रुपयाचा मुद्देमाल अज्ञात चोरट्यांनी चोरुन नेला आहे. याबाबत काही जणांनी पनवेल शहर पोलीस ठाण्यात तक्रारी केल्या असून काही जणांनी अद्यापपर्यंत किरकोळ नुकसान झाल्याने तक्रारी केल्या नसल्याचे समोर आले आहे. अशा मिळून जवळपास 10 च्या वर घरफोड्या पनवेल शहर पोलीस ठाण्याच्या हद्दीत झाल्या आहेत. या संदर्भात पोलिसांनी घटनेच्या ठिकाणी ठसे तज्ञ पाचारण करण्यात आले असून त्या आधारे या सराईत घरफोडी करणाºया टोळीचा शोध सुरू करण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
