पुणे | लाचखोरीची प्रकरणे उघडकीस आणण्याच्या नावाखाली एका भामट्याने भपकेबाज कार्यालय थाटून हप्तेवसुली आणि खंडणीखोरीचा गोरखधंदा चालविल्याचे प्रकरण पुण्यात उघडकीस आले आहे. एसीबीने या भामट्याच्या मुसक्या आवळल्या आहेत.
या भामट्याने सिंहगड रस्त्यावरील वडगाव येथे‘अ‍ॅन्टी करप्शन इन्व्हीस्टिगेशन ब्युरो’ नावाने एक कार्यालयउघडले होते. ते कार्यालय शासनाच्या लाचलुचपत प्रतिबंधक विभागाचे अर्थात एसीबीचेच असल्याचे तो लोकांना सांगत असे. तसेच लोकांकडून सभासद फी घेऊन लाचखोरांवर कारवाईचे अधिकार तुम्हाला दिल्याचे सांगत असे. दिलीप लक्ष्मण चौगुले (फ्लॅट ११८, रिलायबल पार्क,गोडोली, सातारा) असे आरोपीचे नाव असून त्यालाफसवणुकीच्या आरोपांवरून लाचलुचपत प्रतिबंधक विभागाच्या पथकाने अटक केली आहे.
वडगाव येथे सुजय कॉम्प्लेक्स येथे अ‍ॅन्टी करप्शन इन्व्हीस्टिगेशन ब्युरो नावाने कार्यालय उघडून काही जणांकडून १००० रुपये घेत कारवाई करण्याचे अधिकार देण्याचे आमिष चौगुले दाखवत होता. एसीबी पथकाने चौगुले याच्या कार्यालयाची झडती घेऊन काही कागदपत्रे जप्त केली आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
