मुंबई | आज मुंबईत संविधान सन्मान यात्रेच्या दुसऱ्या टप्प्याला सुरुवात करण्यात आली. ही यात्रा वीर कोतवाल उद्यान ते चैत्यभूमी अशी काढण्यात येणार होती. पण पोलिसांनी या यात्रेला परवानगी नाकारली. त्यामुळे ही यात्रा चैत्यभूमी येथे घेण्यात आली. यावेळी निखिल वागळे यांनी पोलिसांवर टीका केली. ते म्हणाले, पोलिसांनी मिरवणुकीला परवानगी नाकारली हे अत्यंत चुकीच आहे. पोलीस कायद्याचा वापर चुकीच्या पद्धतीने करतात. पोलिसांनी हे लक्षात ठेवलं पाहिजे हे राज्य घटनेनुसार चालते. त्यांच्या वर्दीनुसार चालत नाही. पोलिसांचा मी निषेध करतो.पोलिसांनी घटना वाचण्याची गरज आहे.

पुढे म्हणाले, शांतपणे आंदोलन करण्याचा अधिकार नागरिकांना घटनेने दिला आहे. या विभागाचे डीसीपी असतील त्यांनी घटना वाचा कायदा वाचा, तुमची पोलिसी वृत्ती सर्व सामान्य नागरिकांवर दाखवू नाका. मेळावे आणि राजकीय मोर्च्याला परवानगी दिली जाते. पण बाबासाहेबांनी घटना लिहली, त्या बाबासाहेबांच्या चैत्यभूमीत अंगणात यायला आम्हाला पोलिसांची परवानगी मिळत नाही. ही एनएपीएम ने काढलेली संविधान सन्मान यात्रा आहे. आणि ती दांडी पासून दिल्लीला जाणार आहे. आणि मी अशासाठी सामील झालो आहे. संविधान वाचवण्याचा कार्यकर्त्यांचा एक प्रयत्न आहे. आणि माझ्या मते तो महत्वाचा आहे. महत्वाचा अशासाठी की संविधानावर काही ना काही मार्गाने हल्ला होतोय.

सरकारकडून होतोय, पोलिसांकडून होतोय तरी शेतकऱ्यांवर लाठीमार केला जातोय. कधी कामगारांना तुरुंगात टाकले जाते. कधी मानवी हक्क कार्यकर्त्यांना युएपीए लावून जेलमध्ये टाकले जाते. त्यामुळे संविधान वाचवणं महत्वाचं आहे. आणि नागरी स्वातंत्र्याच्या बाजूने मी कायम उभाराहिलो आहे. म्हणून इथे मी पाठींबा द्यायला आलो आहे.