ठाणे – शहरातील मध्यवर्ती ठिकाण असलेल्या नौपाडा इथल्या राजपत ज्वेलर्समध्ये काही दिवसांपुर्वी मोठा दरोडा टाकण्यात आला होता. या दरोड्यातील दोन आरोपींना पोलिसांनी अटक केली आहे. या चोरट्यांनी लुटलेला ऐवज एका पतसंस्थेत गहान ठेवून कर्ज घेतल्याची कबुली दिलीय.
गेल्या 26 मे रोजी रोहित पोर्टे (35) आणि सुनील पांडुरंग सपकाळ या दोघांनी नौपाडा इथल्या राजपत ज्वेलर्समध्ये दरोडा टाकला होता. याप्रकरणी ठाणे गुन्हे शाखेच्या पोलिसांनी रोहिदास पोर्टे याला ताब्यात घेऊन चौकशी सुरू केली. पोलिसी खाक्या दाखवताच त्यानं सुनील सपकाळच्या साथीनं दरोडा टाकल्याची कबुली दिली. सुमारे एक कोटी रूपयांचा ऐवज लुटल्यानंतर या चोरट्यांनी एका पतसंस्थेत चोरलेली सोन्याची बिस्किटे गहाण ठेवून कर्ज घेतलं. त्या कर्जाच्या रकमेतूुन एक वन बीएचकेचा फ्लॅट घेतला. पोलिसांनी दरोड्यात चोरीला गेलेल्या 100 ग्रॅम वजनाच्या 35 बिस्किटांपैकी 28 बिस्किटं ताब्यात घेतलेली आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
गुवाहाटी : दिल्लीपासून ते गल्लीपर्यंत काल झालेले स्वातंत्र्यदिनाचे दिमाखदार कार्यक्रम आपण पाहिले. मात्र आसाममधील लहानशा शाळेसारखा सोहळा काल कुठेही झाला नसेल. पूरपरिस्थितीने वेढलेल्या आसाममध्ये चक्क गुडघाभर पाण्यात उभे राहून शिक्षक आणि विद्यार्थ्यांनी ध्वजारोहण आणि ध्वजवंदन केले. जलप्रलयातही अबाधित राहिलेले हे देशप्रेम सध्या सोशल मिडियावर कौतुकाचा विषय ठरत आहे.