वर्षाची सुरुवात झाली ती यंदा एका अतिशय आनंददायी घटनेने. भारतीय क्रीकेट जगतासाठी ही अतिशय उत्साहपुर्ण अशी घटना होती. भारताच्या अंध क्रिकेट संघाने ब्लाइंड क्रिकेट वर्ल्ड कप आपल्या नावे केला. विषेश म्हणजे भारतीय संघाने या वर्ल्ड कपमध्ये आपला कायमच प्रतिस्पर्धी असलेल्या पाकिस्तानला २ विकेट ने हरवून विश्वकप आपल्या नावे केला. अभिमानाची बाब म्हणजे भारतीय अंध क्रिकेट संघाने हा विश्वकप दुसऱ्यांदा आपल्या नावे केला आहे.
पहीली खेळी पाकिस्तानने करत भारतीय संघापुढे ८ गडी गमावून ३०७ धावांचे आव्हान ठेवले होते. त्यानंतर मैदानात उतरलेल्या भारतीय संघाने दमदार खेळी करत ३८.४ ओवर मध्येच दोन गडी राखुन पाकीस्तानवर दमदार विजय मिळवला.
असा होता भारत पाकीस्तानचा हा सामना
पाकीस्तानने पहीली खेळी करत ३०७ धावांचे आव्हान भारतीय संघापुढे ठेवले होते. पाकीस्तानने ८ गडी गमावून हे आव्हान उभे केले होते. त्यानंतर मैदानात उतरलेल्या भारतीय संघाचा कर्णधार अजय रेड्डी याने ६० चेंडूत ६२ धावा केल्या तर खेळाडू रमेश याने ६७ चेंडूत ९३ धावा केल्या. प्रकाश आणि व्यंकटेश यांनी खेळाची दमदार सुरुवात केली. या दोघांनीही प्रति ओवर १० धावांच्या गतीने स्कोर बनवत भारतीय संघाला विजयाचा मुकूट घालण्यास मोलाची भर घातली.
व्यंकटेशने ३२ चेंडूत ३५ धावा केल्या तर प्रकाश ने ४२ चेंडूत ४४ धावांची खेळी केली. २०१४ मध्ये सुध्दा याच भारतीय संघाने दक्षिण अफ्रीकेच्या केप टाउन मध्ये पाकीस्तानलाच हरवून विश्वकप जिंकला होता. काही दिवसांपुर्वी इंग्लडच्या क्रिकेट संघाचा कर्णधार एड हॉसेल यांने भारतीय अंध क्रिकेट संघ हा जगातला सर्वोत्तम संघ असल्याचे म्हणत भारतीय अंध क्रिकेट संघाचे कौतुक केले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
