मुंबई | लहानथोर सर्वजण नववर्षाच्या स्वागतासाठी जल्लोष करत असतात. मात्र शांतता आणि सुव्यवस्था राखण्यासाठी पोलिस मात्र या दिवशी डोळ्यात तेल घालून खडा पहारा देत असतात. याची दखल घेऊन मुंबई आणि ठाणेयातील काही तरूण-तरूणी या कर्तव्यदक्ष पोलिसांना ३१ डिसेंबरच्या रात्री चहा-बिस्किटे देऊन त्यांच्या कामांचं कौतुक करण्याचा प्रयत्न करत असतात.
या गटाची सुरूवात एका अनोख्या उपक्रमाने झाली . ज्ञानेश्वरी वेलणकर या तरुणीने २०१५ रोजी या उपक्रमास सुरूवात केली.नववर्षाची पुर्वसंध्या अनोख्या पद्धतीने साजरी करण्याचे तिने ठरवले, यामध्ये आपल्यासोबत इतरांनाही आनंद मिळावा हा तिचा उद्देश होता . त्यातून तिने नववर्ष स्वागताच्या रात्री बंदोबस्ताला असणा-या पोलिसांना मदत करण्याचे ठरवले.
या उपक्रमांत रस असणा-या तरुणांचा व्हाॅट्सअप ग्रुप तयार झाला आणि दरवर्षी या उपक्रमामध्ये सहभागी होणा-या तरूणांची संख्या वाढत आहे. या उपक्रमासाठी यंदाही ही टीम सज्ज झाली आहे. ही टीम यंदाही गोरेगाव परिसरात पोलिसांनी चहा वाटपाचे काम करणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
