Connect with us

News

शहीद कर्नल महाडिक यांच्या वर्गमित्रांची सैन्याला अनोखी दिवाळी भेट

Gauri Tilekar

Published

on

श्रीनगर | जम्मू-काश्मीरमधील कुपवाडा येथे आतंकवाद्यांशी लढताना वीरमरण आलेल्या शहीद कर्नल संतोष महाडिक यांच्या वर्गमित्रांनी एक नवा आदर्श घालून दिला आहे. त्यांनी शहीद कर्नल महाडिक यांच्या युनिटसाठी २५० किलो मिठाई दिवाळी भेट म्हणून पाठवली आहे. कर्नल संतोष महाडिक हे राष्ट्रीय रायफल्स ४१ चे कमांडिंग ऑफिसर होते. नोव्हेंबर २०१५ रोजी कर्नल महाडिक कुपवाडामधील हाजीनाका फॉरेस्ट येथे दहशतवाद्यांसोबतच्या चकमकीत गंभीर जखमी झाले होते.

“सुमारे २५० किलो मिठाई चंदिगढहुन श्रीनगरला आज (बुधवार) पोहोचली असून ती कर्नल महाडिक यांच्या ‘राष्ट्रीय रायफल्स ४१’ ला लवकरच वाटण्यात येईल”, असे या उपक्रमात पुढाकार घेतलेल्या त्यांच्या एका मित्राने एच.डब्ल्यू. मराठीशी बोलताना सांगितले.

कर्नल महाडिक हे सातारा सैनिक स्कुलचे विद्यार्थी होते. कर्नल महाडिक यांना ऑपरेशन रायनोसाठी सेना मेडल मिळाले होते. सातारा सैनिक स्कुलमधील कर्नल महाडिक यांच्या वर्गमित्रांनी ३ वर्षांपासून सुरु असलेल्या या उपक्रमाला ‘ऑपरेशन दिवाळी’ असे नाव दिले आहे.

कर्नल महाडिक यांच्या आठवणी सांगताना त्यांचे मित्र म्हणाले कि, “कर्नल महाडिक हे एक उत्तम फुटबॉल गोलकिपर, एक उत्तम घोडेस्वार आणि एक उत्कृष्ट बॉक्सर असे अष्टपैलू व्यक्तिमत्व होते.”

News

चिमुकल्या विद्यार्थ्यांची सामाजिक दिवाळी

Gauri Tilekar

Published

on

मुंबई | आपल्याकडे अनेक आदिवासी भागांत आजही दिवाळी साजरी होत नाही हे लक्षात घेऊन कल्याण येथील प्राथमिक विद्यामंदिर कर्णिक रोड शाळेतील शिक्षकांनी आपल्या विद्यार्थ्यांना सोबत घेऊन एक स्तुत्य उपक्रम राबविला आहे. या विद्यार्थ्यांनी विविध आकाराचे कंदील आणि आकर्षक पणत्या रंगविल्या आहेत. टिटवाळा येथील दहिवली या आदिवासी पाड्यावर विद्यार्थ्यांनी तयार केलेल्या या सर्व साहित्याचे वाटप आले आहे. विशेष बाब म्हणजे या विद्यार्थ्यांनी काही दिवसांपासून आपापल्यापरीने घरातून धान्य गोळा करून आणले होते. विद्यार्थ्यांनी गोळा केलेले तांदुळ, गहू, डाळ देखील त्यांनी या पाड्यावर वाटले.

“गेल्या चार वर्षांपासून आमची शाळा दिवाळीनिमित्त असा उपक्रम करत आहे. यापुढे देखील असे सामाजिक उपक्रम सातत्याने राबवण्याचा आमचा प्रयत्न राहील”, असे प्राथमिक विद्यामंदिर कर्णिक रोड शाळेच्या मुख्याध्यापिका भारती वेदपाठक यांनी सांगितले. या उपक्रमास शाळेतील अनेक माजी विद्यार्थी आणि पालकांनी देखील मोठी मदत केली. ‘टीम परिवर्तन’च्या मदतीने आदिवासी पाड्यावर गेल्या काही काळापासून सातत्याने विविध मोहीम राबविण्याचे प्रयत्न सुरु आहेत.

Continue Reading

News

दिवाळीत फटाके फोडून प्रदूषण करणाऱ्यांवर कारवाई

News Desk

Published

on

ठाणे | दिवाळीत मोठ्या प्रमाणात फटाके फोडून साजरी केली जाते. परंतु फटाके फोडल्याने वातावरणात ध्वनी आणि हवेचे प्रदूषण मोठ्या प्रमाणावर वाढ होते. या प्रदूषणाला आळा घालण्यासाठी सर्वोच्च न्यायालयाने फटाके फोडण्यासाठी ठराविक वेळ ठरविण्यात आली होती. परंतु सर्वोच्च न्यायालयाच्या या निर्देशाचे पालन न केल्याप्रकरणी पोलीस ठाण्यात गुन्हा दाखल करण्यात आला आहे.

ध्वनी आणि वायु प्रदूषणाचे ठाण्यातील चितळसर आणि कापुरबावडी पोलीस ठाण्यात गुन्हे दाखल करण्यात आलेले आहेत. तर कल्याणमधील मानपाडा पोलीस ठाण्यात ८, विष्णुनगर पोलीस ठाण्यामध्ये ६  आणि ठाण्यातील वर्तकनगर पोलीस ठाण्यामध्ये ५ अशा एकूण १९ जणांवर महाराष्ट्र पोलीस अधिनियम ३३ (आर) १३१ प्रमाणे करवाई केली आहे.

 

Continue Reading
Advertisement

HW Marathi Facebook

January 2019
M T W T F S S
« Dec    
 123456
78910111213
14151617181920
21222324252627
28293031  

महत्वाच्या बातम्या