गोवा । दिवाळीमध्ये पणत्या आणि आकाश कंदील पेटवून पारंपरिक पद्धतीने दिवाळी साजरी केली जाते. यंदा गोव्यातील एक आकाशकंदील पाहण्यासाठी लोकांची उत्सुकता वाढली आहे. ४० फूटाचा हा आकाशकंदील असल्याने साऱ्यांच्याच चर्चेचा विषय ठरला आहे.गोव्यात राजधानी पणजीमधील मळा भागात यूथ ऑफ पोर्ताइज मंडळाने तब्बल ४० फूटी आकाशकंदील बनवला आहे. हा कंदील सर्वांसाठी आकर्षण ठरणार आहे. गेले १५ दिवस मंडळाचे कार्यकर्ते त्यासाठी राबत होते. मंडळातर्फे दरवर्षी भला मोठा आकाश कंदील बनवून दिवाळी साजरी केली जाते.
यंदा मंडळाने १ लाख खर्च करून ४० फूटी आकाशकंदील बनवला आहे. गोव्यात दिवाळीला भले मोठे नरकासूर बनववून त्याचे दहन करण्याची परंपरा आहे. गावागावात सध्या तरुण मंडळी अवाढव्य आणि आक्राळ विक्राळ नरकासूर बनवण्यात दंग असताना या मंडळाने मात्र वेगळा असा ४० फूटी आकाशकंदील साकारला आहे.विशेष म्हणजे हा आकाशकंदील एका चर्च समोर उभारण्यात आला आहे. सर्वधर्मीय लोक त्यात सहभागी होत असल्याने त्यातून राष्ट्रीय एकात्मता देखील वाढीस लागत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
