नवी दिल्ली | चेक बाऊन्सप्रकरणी बॉलीवूडमधील सुप्रसिद्ध अभिनेता राजपाल यादव याला ३ महिन्याची कारावासाची शिक्षा सुनाविण्यात आली आहे. दिल्ली उच्च न्यायालयाने राजपाल यादव यांना ही शिक्षा सुनावली आहे. राजपाल यांनी २०१० साली इंदौर येथील सुरेंद्र सिंह या व्यक्तीकडून ५ कोटी रुपये कर्ज म्हणून घेतले होते. तसेच काही दिवसात पैसे परत करतो असे आश्वासनही त्याने सिंह यांना दिले होते.
परंतु अद्याप राजपाल पैसे परत करत नसल्याने सिंह यांनी राजपाल यांच्या मागे तगादा लावला होता. यामुळे २०१५ साली राजपाल यांनी मुंबईतील अॅक्सिस बँकेचा एक चेक सिंह यांना दिला होता. मात्र तो चेक बाऊन्स झाला. यामुळे सिंह यांनी वकीलाकडून राजपाल यांना नोटीस पाठवली. तरी देखील यादव यांनी कर्ज फेडले नाही.
यामुळे सिंह यांनी नवी दिल्ली येथील जिल्हा न्यायालयात खटला दाखल केला आहे. न्यायालयाने सिंह व राजपाल यांना सामंजस्याने हा वाद सोडवण्याचा अनेकदा सूचना दिल्या होत्या. मात्र, राजपाल यांनी गंभीरपणे न घेता सिंह यांचे कर्ज फेडलेच नाही. यामुळे त्यांची रवानगी तुरुंगात करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
