मुंबई | अभिनेता रणवीर सिंग आणि दीपिका पादुकोण यांचा इटलीमध्ये थाटामाटात शाही विवाह इटलीतील लेक कोमो येथे सोहळा पार पडला. या दोन्ही बॉलिवूड कलाकाराचा विवाह १४ आणि १५ नोव्हेंबरला संपन्न झाला असून संपूर्ण देशभरात यांच्या विवाहाच्या चर्चा सुरू होत्या. हा विवाह सोहळा पारंपरिक कोंकणी आणि सिंधी पध्दतीने पार पडला आहे. परंतु रणवीर आणि दीपिका यांच्या विवाहावर शीख समुदायाने नाराजी व्यक्त केली आहे.
रणवीर दीपिकाचा विवाहसोहळा १४ तारखेला कोंकणी पद्धतीने तर १५ तारखेला आनंद कारज पद्धतीने लग्नाचे विधी पार पडले. या विवाह सोहळ्यात आनंद कारज या पद्धतीनुसार रणवीर- दीपिकाला गुरुद्वारामध्ये जाणे भाग होते. परंतु त्यांनी तसे न करता विवाहस्थळी गुरु ग्रंथ साहिब आणले. शीख धर्मीयांकडून पवित्र मानले जाणारे गुरु ग्रंथ साहिब गुरुद्वाराबाहेर नेले जात नाही. त्यामुळे शीख समुदाय नाराज झाला असून त्यांनी या दोघांविरोधात अकाल तख्तकडे तक्रार केली आहे. यावर आता दीपिका-रणवीर काय प्रतिक्रिया देणार याकडे सर्वाचे लक्ष लागले आहे.
येत्या २१ नोव्हेंबरला बेंगळुरू येथे दीपवीरच्या विवाहाचे पहिले रिसेप्शन होणार आहे. दीपिकाचे आई-वडिल हे रिसेप्शन होस्ट करतील. तर २८ नोव्हेंबर आणि १ डिसेंबरला मुंबईच्या ग्रण्ड हयात हॉटेलमध्ये दुसरे व तिसरे रिसेप्शन होणार आहे. २८ तारखेच्या रिसेप्शला केवळ मित्र आणि कुटुंबीय असतील. तर १ डिसेंबरचे रिसेप्शन केवळ बॉलिवूडमधील मित्रपरिवारासाठी असणार आहे.
Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
