मुंबई : अभिनेता आयुष्यमान खुराणा आणि भूमी पेडणेकर यांचा ‘शुभमंगल सावधान’ हा चित्रपट आज रिलीजझाला. या चित्रपटाच्या प्रमोशनचा एक फोटो आयुष्यमानने इन्स्टाग्रामवर पोस्ट केला असून, त्यामध्ये तो को-स्टार भूमी पेडणेकरला कंडोम राइड घडवित आहे.
एका बाइकला कंडोमचा आकार देण्यात आला आहे. त्यावर बसून भूमी आणि आयुष्यमान फेरफटका मारताना फोटोमध्ये दिसत आहेत. आयुष्यमानने हा फोटो इन्स्टावर शेअर केला असून, कॅप्शनमध्ये लिहिले की, ‘सावधान रहा… कंडोमचा वापर करा… हा चित्रपट लैंगिक आजार इरेक्टाइन डिसफंक्शनवर आधारित आहे.’चित्रपटात आयुष्यमान आणि भूमी प्रमुख भूमिकेत आहेत. चित्रपटात आयुष्यमान ‘मुदित’ तर भूमी ‘सुगंधा’नावाचे पात्र साकारत आहेत. काही दिवसांपूर्वीच भूमीचा अक्षयकुमारसोबत ‘टॉयलेट : एक प्रेम कथा’ या चित्रपटात रिलिज झाला होता. या चित्रपटाने बॉक्स आॅफिसवर चांगली कमाई केली आहे. आता हा चित्रपट काय करिष्मा करणार हे बघणे औत्सुक्याचे ठरेल. कारण या चित्रपटाची थेट टक्कर मल्टीस्टारर ‘बादशाहो’ या चित्रपटाशी होणार आहे. ‘बादशाहो’मध्ये अजय देवगण याच्यासह इमरान हाशमी, ईशा गुप्ता, इलियाना डिक्रूज यांच्या भूमिका आहेत. शिवाय सनी लिओनीचा एक धमाकेदार आयटम सॉन्गही आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
