अपर्णा गोतपागर | गानकोकिळा लता मंगेशकर यांच्यासारखा आवाज असावा असे देशातील प्रत्येक व्यक्तीला वाटते. दीदींच्या आवाजाचा चाहता नाही असा एकही व्यक्ती देशात शोधून सापडणार नाही. परंतु तुम्हाला माहिती आहे का , लतादीदींच्या आवाजातील गाणे ऐकून चक्क तत्कालीन पंतप्रधान पंडित जवाहरलाल नेहरुंच्या डोळ्यात अश्रु उभे राहीले होते.
“ऐ मेरे वतन के लोगो, जरा आँख में भर लो पानी, जो शहीद हुए हैं उनकी जरा याद करो कुर्बानी”
हे महान गीत कवी प्रदीप यांनी रचले असून सी. रामचंद्र यांनी स्वरबद्ध केले आहे. हे गीत १९६२मध्ये भारत-चीन युद्धात शहीद झालेल्या जावानांना समर्पित केले होते. जवानांच्या बलिदानाने प्रेरित होऊन कवी प्रदीप यांनी हे गाणे रचले. दिल्लीच्या रामलीला मैदानात भारताच्या प्रजासत्ताक दिनी म्हणजे २६ जानेवारी १९६२ साली पहिल्यांदा लतादीदींच्या आवाजात हे गाणे गायले गेले. या कार्यक्रमासाठी तत्कालीन पंतप्रधान पंडित जवाहर लाल नेहरु देखील उपस्थित राहिले होते.
हे गीत पहिल्यांदा प्रेक्षकांसमोर लतादीदींच्या आवाजात गायले जाणार होते. हे गाणे ऐकून मैदानातील उपस्थित सर्व जण फक्त मंत्रमुग्ध झाले नाही, तर उपस्थित प्रत्येक व्यक्तींचे डोळे पाणावले. हे गाणे संपल्यानंतर पंडित जवाहर लाल नेहरुनी दीदींना म्टटले होते की, “बेटी, तूने मुझे रुला दिया”!
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
