मुंबई | पंडीत तुळशीदार बोरकर यांचे निधन झाले. नानावटी रुग्णालयात त्यांच्यावर उपचार सुरु होते. शनिवारी सकाळी १०.३० च्या दरम्यान त्यांनी अखेरचा श्वास घेतला. मृत्यू समयी पंडीत बोरकर ८३ वर्षांचे होते. ज्येष्ठ हार्मोनियम वादक म्हणून त्यांना पद्मश्री पुरस्काराने देखील गौरविण्यात आले होेत.त्यांच्या पश्चात पत्नी ,एक मुलगी आणि दोन मुलगे असा परिवार आहे.
पं. तुळशीदास बोरकर हे मूळचे गोव्यातील बोरी गावचे. चौथीपर्यंतचे शालेय शिक्षण बोरीमध्ये तर पुढील शिक्षण सावंतवाडी येथे झाले. बोरी गावातील नवदुर्गा मंदिरात लहानपणी त्यांनी कीर्तने-प्रवचने खूप ऐकलेली. पण कीर्तन-प्रवचनात बुवा काय सांगतात यापेक्षा त्यांचे लक्ष बुवांना संगीतसाथ करणाऱ्या ऑर्गन/संवादिनीवादकाकडे, त्यांच्या बोटांकडे जास्त असायचे. आई जयश्रीबाई गाणे शिकलेल्या होत्या. नाटकातूनही काम करत असत. मोठी बहीण नलिनी बोरकर या छोटा गंधर्व यांच्या ‘कलाविकास नाटय़’ संस्थेत काम करत होत्या. त्यामुळे कलेचा वारसा लहानपणापासूनच मिळाला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
