मुंबई | यंदाचा विंदा करंदीकर जीवनगौरव पुरस्कार ज्येष्ठ नाटककार महेश एलकुंचवार यांना आणि श्री. पु. भागवत उत्कृष्ट प्रकाशन पुरस्कार साहित्य प्रसार केंद्र या प्रकाशनास जाहीर करण्यात आला आहे. त्याचबरोबर या वर्षीचा डॉ. अशोक केळकर भाषाअभ्यासक पुरस्कार ज्येष्ठ भाषा वैज्ञानिक डॉ. कल्याण काळे यांना आणि मंगेश पाडगांवकर भाषासंवर्धक पुरस्कार झाडीबोलीचे अभ्यासक डॉ. हरिश्चंद्र बोरकर यांना जाहीर करण्यात आला आहे, अशी माहिती मराठी भाषा मंत्री विनोद तावडे यांनी आज एका पत्रकाद्वारे दिली आहे.
२०१८ चा विंदा करंदीकर जीवनगौरव पुरस्कार महेश एलकुंचवार यांना, डॉ.अशोक केळकर भाषाभ्यासक पुरस्कार डॉ.कल्याण काळे यांना तसेच मंगेश पाडगांवकर भाषासंवर्धक पुरस्कार डॉ. हरिश्चंद्र बोरकर याांना घोषित झाला आहे. याचे हार्दिक अभिनंदन!
— Vinod Tawde (@TawdeVinod) January 3, 2019
श्री. पु. भागवत उत्कृष्ट प्रकाशन पुरस्कार २०१८ साहित्य प्रसार केंद्र प्रकाशन यांना जाहीर झाला आहे. मनःपूर्वक अभिनंदन..!
— Vinod Tawde (@TawdeVinod) January 3, 2019
मराठी भाषा गौरव दिनी म्हणजे २७ फेब्रुवारी २०१९ रोजी हे चारही पुरस्कार महाराष्ट्र राज्य साहित्य व संस्कृती मंडळ आणि राज्य मराठी विकास संस्था यांच्या वतीने, मुंबईत होणाऱ्या कार्यक्रमात प्रदान करण्यात येणार आहेत, अशी माहितीही विनोद तावडे यांनी दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
