मुंबई | कोंकणवासीय रेल्वे प्रवाशांना यंदाच्या गणेशोत्सवात मोठा दिलासा मिळाला आहे. मध्य रेल्वे प्रशासनाने दिवा रेल्वे प्रवासी संघटनेच्या आंदोलनाची दखल घेत दिवा स्थानकात रेल्वेच्या अतिरिक्त ५२ फेऱ्यांना थांबा देण्याचा निर्णय घेतला आहे.
गणपती स्पेशल गाड्यांना दिवा स्थानकात थांबा न दिल्याच्या निषेधार्थ दिवा स्थानकात रेल्वे प्रवाशांनी काळ्या फिती लावून प्रवास करण्याचे ठरविले असताना मध्य रेल्वे प्रशासनाने या निषेध आंदोलनाची दखल घेत तीन नवीन गाड्यांना स्थानकात थांबा देण्याचा निर्णय घेतला आहे.
कोकणात जाणाऱ्या गणपती स्पेशल गाड्यांना दिवा स्थानकात थांबा मिळावा याकरिता दिवा रेल्वे प्रवासी संघटना गेली अनेक वर्षे रेल्वे प्रशासनाकडे मागणी करत होती. मागील दोन वर्षांपासून एक नाममात्र स्पेशल गाडीला दिवा स्थानकात थांबा दिला जात होता.
कोकणात जाणाऱ्या स्पेशल गाड्यांपैकी काही गाड्यांना दिवा स्थानकात थांबा देण्यात यावा असे पत्र दिनांक १६/०८/२०१८ रोजी मध्य रेल्वे विभागीय व्यवस्थापक यांना देण्यात आले होते.
परंतु सदर मागणीकडे दुर्लक्ष केल्यामुळे रेल्वे प्रशासनाचा निषेध म्हणून दिवेकर रेल्वे प्रवासी शनिवार दिनांक ०८/०९/२०१८ रोजी सकाळी दिवा स्थानकातून काळ्या फिती लावून प्रवास करतील असे पत्र नुकतेच प्रवासी संघटनेतर्फे देण्यात आले होते त्या निषेध आंदोलनाची दखल घेत रेल्वे प्रशासनाने काल उशिरा काही नवीन गाड्यांना थांबा देण्याचा निर्णय घेतला.
या गाड्यांना दिवा स्थानकात थांबा
- छत्रपती शिवाजी महाराज टर्मिनन्स मुंबई- रत्नागिरी (०१०३३)
- लोकमान्य टिळक टर्मिनन्स- झारप (०१०३९/०१०४०)
- सावंतवाडी- छत्रपती शिवाजी महाराज टर्मिनन्स मुंबई(०१०३६)
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
