उत्तम बाबळे
नांदेड- अवैधरित्या सागवान लाकडाची तस्करी करणारा टेंम्पो सागवान लाकडांसह भोकर वनविभागाने भोकर तालुक्यातील माै.बटाळा रस्त्यावर १ जून रोजी पकडला असून १ लाख ३० हजार रुपयाच्या मुद्देमाल जप्तीसह वन कायद्यानूसार चालका विरुद्ध गुन्हा दाखल करण्यात आला आहे.सदरील कारवाई लाकूड तस्करांचे धाबे दणानले आहे. भोकर वन परिक्षेत्रात गेल्या काही महिन्यांपासून सागवान लाकूड तोड व तस्करीचे प्रकार वाढले असल्याने नव्यानेच भोकर वन परिक्षेत्र कार्यालयात वनपरिक्षेत्र अधिकारी म्हणून रुजू झालेले आशिष हिवरे (म.व.से.) यांनी या वनपरिक्षेत्राचा बहुतांश भाग तेलंगणा राज्य सिमेलगत येत असल्याने परप्रांतात होणारी तस्करी रोखण्यासाठी एक विशेष गस्ती पथक नेमले आहे.
या पथकास गुप्त माहिती मिळाल्यावरुन त्यांनी आशिष ठाकरे (भा.व.से.),व्ही.एन.गायकवाड संवसे ,नांदेड यांच्या मार्गदर्शनाखाली वनपाल अंगद खटाने,के.एस.खरात,बजरंग देवकते,कु.एम.जे.पठाण व अन्य वन कर्मचा-यांचा सहभाग असलेल्या त्या पथकाद्वारे साफळा रचून भोकर पासून काही अंतरावरील माै.बटाळा रस्त्यावर ४९ नग ज्याची अंदाजे किंमत ३० हजार रुपये असलेला माैल्यवान सागवान लाकूड घेऊन टेंम्पो क्र. एम.एच.२६ ६३९६ हा चालक शेख अफसर शेख अहमद रा.भोकर यासह पकडला.सदरील सापळ्यात अंदाजे ३० हजार रुपयाचे सागवान लाकूड व १ लाख रुपये किमतीचा टेंम्पो असा एकूण १ लाख ३० हजार रुपयाचा मुद्देमाल जप्त करण्यात आला असून चालका विरुद्ध भारतीय वन अधिनियम १९२७ चे कलम २६ (१), मुंबई वननियम १९४२ चे कलम ६६ अनुसार कारवाई करण्यात आली आहे. पुढील तपास वनपाल अंगद खटाने हे करत असून झालेल्या कारवाईमुळे तस्करांचे धाबे दणानले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
