मे महिन्यासाठी ४ हजार ५७५ क्विंटल साखर स्वस्तधान्य दुकानांतून वाटप होणार
उत्तम बाबळे
नांदेड दि.१८:- सार्वजनिक वितरण व्‍यवस्‍थेअंतर्गत नांदेड जिल्‍हयातील बीपीएल व अंत्‍योदय शिधापत्रिकाधारकासाठी शासनाने मे २०१७ साठी नियमित नियतन साखर प्रति व्यक्ती ५०० ग्रॅम प्रमाणे प्रौढ अथवा मूल, बालक असा भेदभाव न करता सरसकट मंजूर केले आहे. मे २०१७ या महिन्‍यात जिल्‍हयासाठी ४ हजार ५७५ क्विंटलचे नियतन शासनाकडून प्राप्‍त झाले असून पुढील प्रमाणे तालुका निहाय नियतन देण्‍यात आले आहे. या नियतनाची उचल करुन प्रत्‍यक्ष शिधापत्रिकाधारकास संबंधीत स्‍वस्‍त धान्‍य दुकानामार्फत ती साखर वितरण करण्‍यात येणार आहे.
नांदेड व लोहा- ५३४,हदगाव- ३९९,किनवट- ५२७, भोकर- १७५,बिलोली-२८७,देगलूर- २५५, मुखेड- ४८७, कंधार- ३७४,लोहा- ३२३ अर्धापूर-१२८, हिमायतनगर-१९८, माहूर- १९४,उमरी- १३५, धर्माबाद- १५२,नायगाव- २६३, मुदखेड- १४४ क्विंटल असे आहे.प्रति व्यक्ती ५०० ग्रॅम साखर या प्रमाणे कुटूंबातील एकूण व्यक्तींची साखर सर्व बीपीएल, अंत्‍योदय शिधापत्रिकाधारकांनी स्वस्तधान्य दुकानातून उचल करावी , असे आवाहन जिल्‍हाधिकारी नांदेड यांच्या वतीने जिल्हा पुरवठा अधिकारी नांदेड यांनी केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
