भाजप नेते कुलदिपसिंह ठाकूर यांच्या ‘कन्यादान’ पोस्टला प्रचंड प्रतिसाद

पी. रामदास

लातूर – लातूरच्या शीतल वायाळ या तरूणीच्या आत्महत्येनं संपूर्ण राज्य सून्न झालं होतं. यापुढे अशा घटना घडू नये, यासाठी विविध स्तरावर प्रयत्न केले जात आहेत. मात्र, लातूरच्या राजकारणातील धडाडीचं नेतृत्व असलेल्या भाजपच्या कुलदीपसिंह ठाकूर यांच्या ‘कन्यादान’ वरील एका फेसबुक पोस्ट सध्या सगळ्यांचं लक्ष वेधून घेत आहे. व्हाट्स अपच्या हजारो ग्रुपमध्येही भाजप नेते ठाकूर यांची ती पोस्ट मोठ्या प्रमाणावर व्हायरल होतेयं… ज्या कारणासाठी ही पोस्ट होती, त्या मुलीच्या लग्नासाठी अनेकांनी पोस्ट वाचून मदत द्यायला सुरूवात केली आहे.

लातूर जिल्ह्यातल्या चाकुर तालुक्यातील मोहनाळ इथल्या राम फुलारी यांची मुलगी सोनालीचा विवाह नांदेड जिल्ह्यातल्या अभिजीत फुलारी यांच्याशी 18 मे रोजी होतोय. लग्नाचा अर्धा खर्च मुलीचे मामा नागनाथ फुलारी करत असून उर्वरित खर्चासाठी भाजप नेते कुलदीपसिंह ठाकूर यांनी पुढाकार घेतलाय. त्याचाच एक भाग म्हणून त्यांनी सोशल मीडियावर खालील पोस्ट टाकली आहे. ठाकूर हे या लग्नासाठी वैयक्तिक मदतही करणार आहेत. त्यांनी पोस्ट केलेली पोस्ट जशीच्या तशी खाली देत आहोत…

कुलदीपसिंह ठाकूर, नेते, भाजप, लातूर यांची फेसबुक पोस्ट …

“चला करू या कन्यादान,

एक विनम्र आवाहन”

“पुन्हा एखादी शीतल वायाळ जाण हि आमच्या असण्याच्या,

व सद्य समाजव्यवस्थेच्या गालावर सणसणीत चपराक बसण्यापूर्वीच,

अन् जीव गेल्यानंतर मदत करून मोठेपणा व बातम्या येण्यापेक्षा चला त्यापूर्वीच शक्य ती मदत करू…!

कु. सोनाली राम फुलारी रा.मोहनाळ ता.चाकुर या ऊपवर मुलीचे चि.अभिजीत अरूण फुलारी रा.वसमत जि.नांदेड यांचेशी लग्न जमले असून दि. १८मे.२०१७ रोजी विवाह मुहुर्तावरसंपन्न होणार आहे.

तिचे कुटूबिय अक्षरश: मोलमजूरी करणारे असल्याने आर्थिक परस्थिती अत्यंत हलाखीची आहे.म्हणून लग्नाचा अर्धा आर्थिक भार तिचे मामा श्री.नागनाथ फुलारी करीत आहे….व त्यांना बाकीचा खर्च भागविण्यासाठी आपल्या मदतीची गरज आहे…! आपण व आपल्यांकडुन आर्थिक सहकार्याची अपेक्षा.

चला आपण सारे मिळून भाऊ,दादा,मामा-मामी,

काका-काकू बनून हे “कन्यादान” पार पाडू,

मी माझ्याकडून शक्य ते सहकार्य केले आहे !आपणही आपला वाटा ऊचलावा हे विनम्र “आवाहन”!

आपला विनम्र !

ठाकूर कूलदिपसिंह ना.

संपर्क:-नागनाथ फुलारी

मोबाईल नं.9730545844