साक्षीकडून माहीला अनोख्या शुभेच्छा

रांची- महेंद्रसिंह धोनीने ३६ व्या वर्षात पदार्पण केले असून माहीच्या वाढदिवसानिमित्त त्याच्यावर जगभरातून शुभेच्छांचा वर्षाव होत आहे. परंतु यासर्वांमध्ये त्याची पत्नी साक्षीने दिलेल्या शुभेच्छांनी सर्वांचे लक्ष वेधले तसेच माहीला काही काळ भावनिक बनविले. साक्षीने इन्स्टाग्रामवरुन धोनीचा झिवासोबत एक फोटो शेअर केला आहे. या फोटोमध्ये चिमुकली झिवा धोनीचा हात पकडून चालताना दिसत आहे. धोनीच्या या मॉर्निंग वॉकला चांगलीच पसंती देखील मिळत आहे. साक्षीने या फोटोला हॅप्पी बर्थडे असे कॅप्शन दिले असून यातील साथ साथ एक साथ हा उल्लेख अधिक लक्षवेधून घेणारा असाच आहे. धोनी आणि साक्षी यांच्यातील नात्यातील गोडवा नेहमीच सोशल मीडियावर पाहायला मिळतो.