सातारा : मांढरदेव येथे काळेश्वरी देवीच्या दर्शनासाठी आलेल्या बारामतीच्या सहा भाविकांना विषबाधा झाली. त्यात एका युवकाचा मृत्यू झाला, तर तीन महिलांची प्रकृती गंभीर आहे. विषबाधेचे कारण समजू शकले नाही. स्वप्नील विष्णू चव्हाण (वय 25) असे मृताचे नाव असून, तृप्ती विष्णू चव्हाण (वय 16), प्रतीक्षा विष्णू चव्हाण (21), सुनीता विष्णू चव्हाण (45), मुक्ताबाई नारायण चव्हाण (58), चालक भीमसेन अर्जुन जाधव अशी विषबाधा झालेल्यांची नावे आहेत.
बारामती येथील श्रीरामनगरमधील चव्हाण कुटुंबातील पाच जण स्कॉर्पिओ गाडीतून (एमएच 42 एएच 7074) मांढरदेव येथे दर्शनासाठी आले होते. देवीचे दर्शन घेतल्यानंतर या कुटुंबातील स्वप्नीलला अस्वस्थ वाटू लागल्याने त्याने पार्किंगमध्ये असलेल्या गाडीच्या चालकास फोन करून गाडी वर घेऊन येण्यास सांगितले. चालक गाडी वर घेऊन गेला. सर्वांना वाईला आणत असताना घाटातच स्वप्नीलला व इतरांना त्रास होऊ लागला. त्यांना तातडीने वाईच्या ग्रामीण रुग्णालयात दाखल करण्यात आले. दरम्यान, उपचारापूर्वीच स्वप्नीलचा मृत्यू झाला. प्राथमिक उपचारानंतर अन्य रुग्णांना सातारा जिल्हा रुग्णालयात हलविण्यात आले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
