गोवा | गोव्यात काँग्रेसच्या १५ पैकी १० आमदारांनी बुधवारी (१० जुलै) रात्री काँग्रेस पक्षाचा राजीनामा देऊन भाजपमध्ये प्रवेश केला आहे. विरोधी पक्षनेते बाबू कवळेकर यांच्यासह काँग्रेसच्या एकूण १० आमदारांनी आपण पक्ष सोडत असल्याचे जाहीर केले. बुधवारी संध्याकाळी भाजपच्या प्रमुख पदाधिकाऱ्यांची पणजी येथे एक बैठक झाली. त्यावेळी काँग्रेसच्या सर्व आमदारांनी पक्षाचा राजीनामा देत स्वतंत्र गट तयार करत भाजपमध्ये प्रवेश करावा असा निर्णय घेण्यात आल्याची माहिती मिळत आहे. त्यानंतर कवळेकर यांनी आपल्या १० आमदारांसह पक्ष सोडत असल्याचे जाहीर केले. तसेच हे सर्व आमदार आज भाजपचे राष्ट्रीय अध्यक्ष अमित शाह यांची भेट घेणार असल्याची माहिती मिळत आहे.
Goa CM Pramod Sawant on being asked whether BJP will drop any minister from its coalition partners to accommodate 10-newly joined Congress MLAs: No decision taken yet. The central leadership will take the decision regarding this pic.twitter.com/q2dd6BlT9O
— ANI (@ANI) July 11, 2019
10 Goa Congress MLAs that had merged with Bharatiya Janata Party (BJP), yesterday, arrive in Delhi along with Chief Minister Pramod Sawant. They will meet BJP President Amit Shah & Working President JP Nadda, later today. pic.twitter.com/emGVfxWN9c
— ANI (@ANI) July 11, 2019
विरोधी पक्षनेते बाबू कवळेकर यांच्यासह नीळकंठ हळणकर, इजिदोर फर्नांडिस, फिलीप नेरी रॉड्रिग्ज, फ्रान्सिस सिल्वेरा, टोनी फर्नांडिस, बाबूश मोन्सेरात, विल्फ्रेड डिसा उर्फ बाबाशान, जेनिफर मोन्सेरात, क्लाफास डायस या १० जणांनी काँग्रेसला राजीनामा देत भाजपमध्ये प्रवेश केला आहे. तर माजी मुख्यमंत्री प्रतापसिंग राणे, लुईझिन फालेरो, रवी नाईक, दिगंबर कामत आणि अॅलेक्स रेजिनाल्ड लॉरेन्स हे ५ जण काँग्रेसमध्ये राहिले आहेत. दरम्यान, बाबू कवळेकर यांना नव्या सरकारमध्ये उपमुख्यमंत्रीपद देण्याचे देखील आश्वासन भाजपकडून देण्यात आल्याची माहिती आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
