मुंबई। राज्यात आज दिवसभरात ८ हजार १९६ रूग्ण कोरोनातून बरे झाले आहेत, तर ५ हजार १३२ नवीन कोरोनाबाधित आढळून आले आहेत. याशिवाय, आज १५८ रूग्णांचा मृत्यू झाल्याची देखील नोंद झाली आहे. राज्यातील कोरोना संसर्गाची दुसरी लाट ओसरताना दिसत आहे, मात्र तरी देखील अद्यापही दररोज नवीन करोनाबाधित आढळून येत आहेत. शिवाय, कोरोनाबाधितांच्या मृत्यू संख्येतही रोज भर पडतच आहे. असे जरी असले तरी कोरोनातून बरे होणाऱ्यांची संख्याही वाढताना दिसत असल्याने, काहीसा दिलासा वाटत आहे. राज्यात दररोज आढळणाऱ्या नवीन कोरोनाबाधितांच्या संख्येच्या तुलनेत कोरोनातून बरे होणाऱ्यांची संख्या ही कधी कमी तर कधी जास्त आढळून येत आहे.
Maharashtra records 5,132 fresh #COVID19 cases, 8,196 recoveries and 158 deaths in the last 24 hours.
Active cases: 58,069
Total cases: 64,06,345
Death Toll: 1,35,413 pic.twitter.com/cJbpgDIRfh— ANI (@ANI) August 18, 2021
एकूण रुग्णसंख्या
राज्यात आजपर्यंत एकूण ६२,०९,३६४ कोरोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (रिकव्हरी रेट) ९६.९३ टक्के एवढे झाले आहे. आता राज्यातील कोरोनाबाधितांची एकूण संख्या ६४,०६,३४५ झाली आहे. तर, राज्यात आजपर्यंत १३५४१३ कोरोनाबाधित रूग्णांचा मृत्यू झाला आहे. सध्या राज्यातील मृत्यूदर २.११ % एवढा आहे.
आजपर्यंत तपासण्यात आलेल्या ५,१४,८९,०८० प्रयोगशाळा नमुन्यांपैकी ६४,०६,३४५ (१२.४४ टक्के) नमुने पॉझिटिव्ह आले आहेत. सध्या राज्यात ३,४६,२९० व्यक्ती होमक्वारंटाईनमध्ये आहेत तर २,३७१ व्यक्ती संस्थात्मक क्वारंटाईनमध्ये आहेत. राज्यात आज रोजी एकूण ५८,०६९ ॲक्टिव्ह रुग्ण आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
