मुंबई | राज्यातील प्रमुख विरोधी पक्ष असलेल्या भाजपने महाविकासआघाडी सरकारला धारेवर धरलं आहे. वाढीव वीज बिलावरुन भाजपने आक्रमक भूमिका घेतलेली पाहायला मिळाली आहे. याच मुद्यावरुन राज्याचे उर्जामंत्री नितिन राऊत यांच्यावर भाजपने टीका केली आहे. ऊर्जामंत्री नितीन राऊत यांच्या घर आणि कार्यालयातील झगमगाटावरुन भाजपने आरोपांची सरबत्ती केली आहे. आमची तिजोरी रिकामी म्हणून बोंबाबोंब करणाऱ्या ठाकरे सरकारच्या उधळपट्टीचा नमुना पाहा, असं ट्वीट भाजपने केलं आहे.
भाजप महाराष्ट्र या अधिकृत पेजवरुन नितीन राऊत यांच्या घराचे काही फोटो पोस्ट करण्यात आले आहेत. या फोटोमध्ये नितीन राऊतांच्या घराच्या आत दिव्यांचा झगमगाट पाहायला मिळत आहे. “आमची तिजोरी रिकामी म्हणून बोंबाबोंब करणाऱ्या ठाकरे सरकारच्या उधळपट्टीचा एक नमुना… हे घर आणि कार्यालय आहे ऊर्जामंत्री नितीन राऊत यांचं” असे ट्वीट भाजपने केले आहे. “या ऐषोरामात अजून काही कसर बाकी असल्यामुळे गोर-गरीब, शेतकरी आणि सामान्यांची वीज तोडण्याची जोरदार मोहीम राज्यात सगळीकडे सुरू असावी !” अशी टीकाही भाजपने केली आहे.
आमची तिजोरी रिकामी म्हणून बोंबाबोंब करणाऱ्या ठाकरे सरकारच्या उधळपट्टीचा एक नमुना… हे घर आणि कार्यालय आहे ऊर्जामंत्री @NitinRaut_INC यांचं. या ऐषोरामात अजून काही कसर बाकी असल्यामुळे गोर-गरीब, शेतकरी आणि सामान्यांची वीज तोडण्याची जोरदार मोहीम राज्यात सगळीकडे सुरू असावी ! pic.twitter.com/Hho24F4zUV
— भाजपा महाराष्ट्र (@BJP4Maharashtra) March 18, 2021
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
