आमदारांचे ऐतिहासिक फोटोसेशन ‘हा’ नेता मात्र गैरहजर

अधिवेशनाचे कामकाज सुरू होण्यापूर्वी विधान भवनाच्या पायऱ्यांवर या चौदाव्या विधानसभेच्या सदस्यांनी एकत्र येत संयुक्तरित्या ऐतिहासिक छायाचित्र काढले. या ऐतिहासिक चित्रामध्ये महाराष्ट्राच्या विधानसभेचे जवळजवळ सर्व आमदार उपस्थित होते. मात्र, या फोटोमध्ये भाजपच्या अनेक आमदारांनी अनुपस्थिती दर्शवली आहे. हे ऐतिहासिक छायाचित्र काढताना माजी मुख्यमंत्री आणि सध्याचे विरोधीपक्षनेते देवेंद्र फडणवीस यांची अनुपस्थितीती सर्वांच्या नजरेत आली. देवेंद्र फडणवीस हे उद्धव ठाकरे आणि महाविकासाआघाडीवर अत्यंत तीव्रपणे टीका करताना दिसून आले आहेत. मात्र आजच्या ऐतिहासिक फोटोमध्ये त्यांची अनुपस्थितीती अनेक प्रश्न निर्माण करणारी आहे.

महाराष्ट्र सरकारची वर्षातून ३ अधिवेशने होतात, यांपैकी हिवाळी अधिवेशन नागपूरला तर बाकी २ अधिवेशने ही मुंबईला होतात. अधिवेशनाचा कामकाज गेल्या ५ दिवसांपासून सुरू आहे, मात्र अनेक आरोप- प्रत्यारोपांमुळे अधिवेशन चर्चेत आहे. सगळे हेवेदावे विसरून आज सर्व आमदारांनी एकत्रितपणे फोटोसेशन केले , मात्र फडणवीसांनी दांडी मारली