नाशिक | नाशिकमध्ये एका व्याख्यानात संभाजी भिडे गुरूंजींनी आंधश्रद्धेला खतपाणी घालणारे वक्तव्य केले आहे. माझ्या शेतातला आंबा खाल्ला तर जोडप्यांना अपत्यप्राप्ती होते आणि आजपर्यंत १८० जोडप्यांनी हा आंबा खाल्ला असून, त्यापैकी दीडशे जोडप्यांना अपत्यप्राप्ती झाली असल्याचा दावा भिडे गुरूजी यांनी केला आहे.
अहमदनगरचा उल्लेख ‘अहमदनगर’ नव्हे तर ‘अंबिकानगर’ असा करावा. सिंहासनाच्या रक्षणासाठी धारकऱ्यांच्या हाती तलवारी असायला पाहिजे होत्या. मात्र, त्यावरून लगेच लोकशाही वाचवण्याचा टाहो फुटेल. रायगड किल्ल्यावरील छत्रपती शिवाजी महाराजांच्या सुवर्ण सिंहासनाच्या रक्षणासाठी ‘हिंदवी स्वराज्य खडा पहारा’ तुकडी तयार करण्याची घोषणा त्यांनी केली.
तसेच हिंदूंचे खरे शत्रू भारतातले सुशिक्षीतच आहेत असेही ते यावेळी बोलताना म्हणालेत. या सभेला परवानगी द्यायला आंबेडकरी संघटनांनी विरोध दर्शवला होता, त्यामुळे रविवारी कडकोट बंदोबस्तात ही सभा पार पडली. पण सभेच्या ठिकाणी आंबेडकरी संघटनांनी निषेधाच्या घोषणा दिल्या. दरम्यान या सभेत भिडेंनी कार्यकर्त्यांना व्यसनमुक्तीचीही शपथ दिली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
