भुजबळांचा तुरुंगवास हे एक राजकीय षडयंत्र

मुंबई : छगन भुजबळांना भोगावा लागलेला तुरुंगवास हे राजकीय षडयंत्र असल्याचा आरोप राष्ट्रवादी काँग्रेसच्या खासदार सुप्रिया सुळे यांनी केलाय. महाराष्ट्र सदन बांधकाम घोटाळा आणि बेहिशेबी मालमत्ता जमवल्याच्या आरोपावरून गेल्या दोन वर्षांपासून तुरुंगात असलेले महाराष्ट्राचे माजी उपमुख्यमंत्री छगन भुजबळ यांना अखेर जामीन मंजूर करण्यात आला.

भुजबळांना जामीन मंजूर झाल्यास या प्रकरणातील साक्षीदारांवर त्यांच्याकडून दबाव आणला जाऊ शकतो, असा दावा सरकारी पक्षाकडून कोर्टात करण्यात आला होता. मात्र कोर्टाने हा युक्तीवाद अमान्य केला. यावरही सुप्रिया सुळेंनी भाष्य केले. ‘आम्ही केंद्रात आणि राज्यात सत्तेत नाही. मग आम्ही कुठून आणि कसा काय दबाव आणणार?,’ असा सवाल सुळेंनी उपस्थित केला.