बीड | चालकाचे नियंत्रण सुटल्याने भरधाव कार नाल्यात कोसळून झालेल्या अपघातात भाजपचे माजी मंत्री सुधीर मुनगंटीवार यांची चुलत बहिण व मेव्हण्यांचा मृत्यु झाला. कल्याण – विशाखापट्टणम महामार्गावर शिरुर तालुक्यातील मातोरी परिसरात बुधवारी सायंकाळी हा अपघात झाला.ममता तगडपल्लेवार (वय ५०) व विलास तगडपल्लेवार (वय ६२, रा. पुसद, जि़ यवतमाळ) अशी मृत्यु पावलेल्या पतीपत्नींची नावे आहेत.
तगडपल्लेवार पतीपत्नी हे कारने पुण्याला मुलाला भेटण्यासाठी अहमदनगरच्या दिशेने जात होते. कल्याण -विशाखापट्टणम महामार्गावर मातोरी परिसरामध्ये कारवरील ताबा सुटल्याने कार नाल्यात जाऊन कोसळली. अपघातात कारचा अक्षरश चुराडा झाला. त्यात विलास तगडपल्लेवार हे जागीच ठार झाले. त्यांच्या पत्नी ममता तगडपल्लेवार यांना बीड येथील जिल्हा रुग्णालयात नेण्यात आले. तेथे उपचार सुरु असताना त्यांचा मृत्यु झाला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
