मुंबई | एमआयएमचा कट उधळून लावा, एमआयएमने ऑफर देने हे भाजपचे षडयंत्र आहे, असा दावा वक्तव्य मुख्यमंत्री उद्धव ठाकरे यांनी केला आहे. राज्याचे मुख्यमंत्री आणि शिवसेना पक्षप्रमुख उद्धव ठाकरे यांनी आज (२० मार्च) राज्यातील शिवसेनेच्या १९ खासदारांशी संवाद साधला. उद्धव ठाकरे पुढे म्हणाले, सत्ता मिळाली तरी एमआयएमशी हातमिळवणी करत नाही, असे म्हणत त्यांनी शिवसेना एमआयएमसोबत जाण्याच्या चर्चेला पूर्णविराम दिला आहे. यातून उद्धव ठाकरेंनी भाजपवर हल्लाबोल केले आहे.
उद्धव ठाकरे म्हणाले, “शिवसेनेचे विचार गावोगावी पोहचवा, आम्ही भाजपला सोडले, हिंदुत्व सोडलेले नाही. भाजपचे हिंदुत्व हे केवळ राजकारणासाठी आहे. तर विरोधक हे विरोध करत राहणार आहेत. त्याच ताकदीने आपण त्यांना प्रत्युत्तर दिले पाहिजे. बुडाखाली सत्ता हवी म्हणून एका घातक हुकूमशाहीची नांदी आहे, अशी टीका त्यांनी केली. अफजल गुरुला फाशी देऊ नका असे म्हणणाऱ्या मेहबुबा मुफ्तीसोबत सत्तेसाठी तुम्ही हात मिळवणी केली. तितका निर्लज्जपणा शिवसेनेत येणे शक्य नाही. आणि मी तो कदापि येऊ देणार नाही. सत्ता मिळाली तरी एमआयएमशी हातमिळवणी करत नाही.”
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
