मुंबई। भाजपाच्या राष्ट्रीय कार्यकारिणीची यादी आज जाहीर करण्यात आली आहे. पक्षाकडून देण्यात आलेल्या यादीनुसार महाराष्ट्रातून चित्रा वाघ यांना राष्ट्रीय कार्यकारिणीत स्थान मिळालं आहे. राष्ट्रवादीमधून भाजपामध्ये आल्यानंतर चित्रा वाघ यांनी सातत्याने राज्यातील सत्ताधाऱ्यांवर विविध मुद्द्यांना धरून टीका केली आहे. या पार्श्वभूमीवर चित्रा वाघ यांचा भाजपाने राष्ट्रीय कार्यकारिणीत समावेश केल्याची चर्चा राजकीय वर्तुळात सुरू झाली आहे. त्यापाठोपाठ विजया रहाटकर यांचा गेल्या वेळी समावेश करण्यात आला होता, मात्र, आता त्यांचं नाव यादीतून काढण्यात आलं आहे. त्यासोबत विशेष निमंत्रित म्हणून सुधीर मुनगंटीवार आणि आशिष शेलार यांचा देखील राष्ट्रीय कार्यकारिणीत समावेश करण्यात आला आहे.
विजया रहाटकर यांचं नाव मात्र यंदा समाविष्ट करण्यात आलेलं नाही
भाजपानं आज राष्ट्रीय कार्यकारिणीच्या ८० सदस्यांची नावं असणारी यादी जाहीर केली. या यादीमध्ये महाराष्ट्रातील आधीच्या नावांसोबतच चित्रा वाघ यांचं नाव नव्याने समाविष्ट करण्यात आलं आहे. कार्यकारिणी सदस्य म्हणून त्यांच्या नावाचा समावेश करण्यात आला आहे. त्यासोबतच, विशेष निमंत्रित म्हणून भाजपा आमदार आशिष शेलार, सुधीर मुनगंटीवार आणि लड्डाराम नागवानी यांचा कार्यकारिणीत समावेश करण्यात आला आहे. दरम्यान, गेल्या वेळी कार्यकारिणीत समावेश करण्यात आलेल्या विजया रहाटकर यांचं नाव मात्र यंदा समाविष्ट करण्यात आलेलं नाही.
चित्रा वाघ, आशिष शेलार आणि सुधीर मुनगंटीवार यांच्याव्यतिरिक्त प्रकाश जावडेकर, विनय सहस्त्रबुद्धे यांचा देखील कार्यकारिणीत सदस्य म्हणून समावेश आहे. त्यासोबत पदाधिकारी म्हणून विनोद तावडे (राष्ट्रीय मंत्री), सुनील देवधर (राष्ट्रीय मंत्री), पंकजा मुंडे (राष्ट्रीय मंत्री), हीना गावित (राष्ट्रीय प्रवक्त्या), जमाल सिद्दिकी (अल्पसंख्य मोर्चा), देवेंद्र फडणवीस (माजी मुख्यमंत्री) यांचा समावेश यादीमध्ये करण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
