मुंबई | कोरोनाच्या वाढत्या संसर्गाने देशात २१ दिवसांचा लॉकडाऊन जारी करण्यात आला आहे. येत्या १४ एप्रिलला या लॉकडाऊनचे २१ दिवस पुर्ण होणार आहेत. परंतू, महाराष्ट्रात कोरोनाग्रस्तांचा वाढता आकडा पाहता हा लॉकडाऊन वाढण्याची शक्यता राज्याचे आरोग्यमंत्री राजेश टोपे यांनी एका माध्यमाशी बोलताना वर्तवली.
“देशव्यापी लॉकडाउनची घोषणा करण्याच्या दोन दिवस आधीच आम्ही राज्यामध्ये लॉकडाउनची घोषणा केली होती. त्याआधीही आम्ही राज्यातील शहरांमध्ये निर्बंध लागू केले होते. अनेक सर्वाजनिक ठिकाणे बंद केली होती. मुंबईसारख्या शहरांमध्ये करोनाचा प्रादुर्भाव रोखणे हे कठी काम आहे. त्यामुळे लॉकडाउन संपवण्याचा निर्णय हा पूर्ण विचार करुनच घेणे गरजेचे आहे. मुंबईसारख्या शहरांमध्ये हा कालावधी वाढवावा लागणार आहे, असे माझं वैयक्तीक मत आहे”, असे टोपे यांनी स्पष्ट केले.
दरम्यान, मुंबईत कोरोनाचा संसर्ग रोखणे हे सर्वात मोठे आव्हान सरकारसमोर आहे. महापालिका, पोलीस व आरोग्य विभागाच्या टीम त्यासाठी अहोरात्र झटत आहेत. जवळपास १५० परिसर सील करण्यात आले आहेत. संशयितांना ओळखण्यासाठी स्वतंत्र टीम कार्यरत आहेत,’ असेही टोपे यांनी स्पष्ट केले. तसेच, राज्यातील कोरोनाबाधितांचा आकडा आणि किती रुग्ण बरे झाले याची माहितीही त्यांनी ट्विटरवरुन काल (३ एप्रिल) दिली.
राज्यात आज कोरोनाबाधित ६७ नवीन रुग्णांची नोंद झाली.त्यातील ४३ रुग्ण मुंबई,१० मुंबई परिसरातील,पुणे येथील ९ तर अहमदनगर जिल्ह्यातील ३ रुग्ण,वाशिम व रत्नागिरी येथे प्रत्येकी 1 रुग्णांची नोंद झाली आहे.यामुळे राज्यातील कोरोना बाधित रुग्णांची संख्या ४९० झाली आहे.#CoronaVirusUpdates
— Rajesh Tope (@rajeshtope11) April 3, 2020
राज्यात आतापर्यंत ५० करोना बाधित रुग्णांना बरे झाल्यानंतर रुग्णालयातून घरी सोडण्यात आले आहे. #CoronaVirusUpdates #MeechMazaRakshak #मीचमाझारक्षक #मैंहीमेरारक्षक
— Rajesh Tope (@rajeshtope11) April 3, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
