मुंबई | महापालिकेच्या कुर्ला येथील शाळांना वाळवी लागल्याची बाब शिक्षण समितीच्या बैठकीत सदस्यांनी निदर्शनास आणली. मात्र ही समस्या एका शाळेपुरती मर्यादीत नसून बहुतांशी शाळांमध्ये भिंतींना आणि लाकडी बेंचना वाळवी लागल्याची तक्रारी सदस्यांनी केली. त्यामुळे शाळांमध्ये लागलेल्या वाळवीवर प्रतिबंधात्मक उपाययोजना करण्यासाठी संस्थेची निवड करण्यात यावी, असे आदेश शिक्षण समिती अध्यक्ष मंगेश सातमकर यांनी प्रशासनाला दिले.
कुर्ल्यातील पालिकेची एच. पी. किर्लोस्कर शाळेत २०१३ पासून मोठ्या प्रमाणात वाळवी लागली आहे. ही वाळवी फक्त भिंतींना लागली नसून शाळेतील कपटांमध्ये ठेवण्यात आलेल्या पुस्तकांना देखील लागली आहे. शिक्षण समिती सदस्या राष्ट्रवादी काँग्रेसच्या नगरसेविका डॉ. सईदा खान यांनी गुरुवारी शिक्षण समितीच्या बैठकीत पालिका प्रशासनाच्या निदर्शनास आणून दिले.
शिक्षण समितीच्या बैठकीत राष्ट्रवादी काँग्रेसच्या नगरसेविका, शिक्षण समिती सदस्या डॉ. सईदा खान यांनी हरकतीच्या मुद्याद्वारे शाळेतील वर्गांमध्ये लागलेल्या वाळवीबाबत चिंता व्यक्त केली. मागील अनेक वर्षांपासून कुर्ला येथील शाळेतील वाळवीबाबत आपण पाठपुरावा करत आलो आहोत. पण यापूर्वी पेस्ट कंट्रोल करण्यासाठी धोरण नव्हतं. परंतु माझ्या विभागातील किर्लोस्कर मार्ग महापालिका शाळेची दुरुस्ती केल्यानंतरही त्याठिकाणी भिंतींना वाळवी लागलेली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
