पुणे | कोरोनाबाधित रुग्णांवर प्लाझ्मा (रक्तद्रव) उपचार पद्धती यशस्वी ठरत असल्याने अधिकाधिक व्यक्तींनी प्लाझ्मा दान करण्यासाठी पुढे यावे, असे आवाहन उपमुख्यमंत्री तथा पुण्याचे पालकमंत्री अजित पवार यांनी केले आहे.प्लाझ्मा दाते आणि प्लाझ्मा स्वीकृते यांच्या मध्ये समन्वय यासाठी मितेश घट्टे, पोलिस उपायुक्त, विशेष शाखा प्रयत्न करत आहे. यासाठी https://puneplasma.in हे ॲप विकसित करण्यात आले आहे. शासकीय निर्णय आणि कायदेशीर बाबी लक्षात घेऊन यामध्ये समन्वय साधला जात आहे. ॲपवर प्लाझ्मा दान करण्यासाठी ३३ जणांनी इच्छा प्रदर्शित करून नोंदणी केली आहे तर ६१ जणांनी प्लाझ्माची मागणी केली आहे.
कोरोना संसर्गातून गंभीर रुग्णांना बरं करण्यासाठी प्लाझ्मा थेरपीचा उपयोग होत आहे. शासनानं ही सर्वात मोठी सुविधा सुरू केलीय. प्लाझ्मा दान करण्याबाबत जनजागृती करण्याचे निर्देश दिले. ह्या संकटाशी आपण सर्व मिळून विविध माध्यमातून लढत आहोत. आपण ही लढाई नक्की जिंकू, असा मला विश्वास आहे.
— Ajit Pawar (@AjitPawarSpeaks) August 14, 2020
पुणे भागासाठी अँटिजेन किट घेण्याची कार्यवाही तातडीने करण्याचे निर्देश देत ५० हजार अँटिजेन किट घेण्यासाठी जिल्हा वार्षिक योजनेतून आवश्यक तो निधी उपलब्ध करुन देण्यात येईल, अशी ग्वाही उपमुख्यमंत्री तथा पालकमंत्री अजित पवार यांनी दिली. तसेच ‘कोरोना’ रुग्णांना महात्मा फुले जन आरोग्य योजनेचा लाभ मिळवून देण्यासाठी जिल्ह्यातील अधिकाधिक रुग्णालयांचा या योजनेत समावेश करण्याचे निर्देश त्यांनी दिले.
महत्वाचे मुद्दे –
– ५० हजार अँटीजेन किट घेण्याची कार्यवाही तात्काळ करा.
– अधिकाधिक रुग्णालयात ‘महात्मा फुले जनआरोग्य योजने’चा लाभ मिळवून देण्यासाठी कार्यवाही करा.
– ग्रामीण भागातील कोरोनाचा रुग्णदर व मृत्यूदर कमी करण्यासाठी प्रयत्न करा.
– अधिक रुग्णसंख्या असणाऱ्या भागावर लक्ष केंद्रित करा.
– अवाजवी शुल्क आकारणी करणाऱ्या रुग्णालयांवर कारवाई करा.
– गणेशोत्सव साधेपणाने साजरा करण्यासाठी लोकप्रतिनिधींनी जनजागृती करावी.
कोरोना रुग्णांना 'महात्मा फुले जन आरोग्य योजने'चा लाभ मिळवून देण्याच्या दृष्टीनं जिल्ह्यातील अधिकाधिक रुग्णालयांचा या योजनेत समावेश होण्यासाठी कार्यवाही करण्याचे निर्देश दिले. ग्रामीण भागातील कोरोनाचा रुग्णदर व मृत्यूदर कमी करण्यासाठी सर्वांनी मिळून प्रयत्न करायला हवेत.
— Ajit Pawar (@AjitPawarSpeaks) August 14, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
