मुंबई | मनसे अध्यक्ष राज ठाकरे यांचा १४ जून रोजी वाढदिवस आहे. या निमित्ताने राज ठाकरे यांनी मनसे कार्यकर्त्यांशी पत्राद्वारे संवाद साधत त्यांना आवाहन केले आहे. “मला वाढदिवसाच्या शुभेच्छा द्यायला येऊ नका. तुम्ही जिथे आहात तिथे जनतेला मदत करा, दिलासा द्या, याच माझ्यासाठी शुभेच्छा आहेत. पण हे करताना तुम्ही तुमच्या आणि कुटुंबाच्या जीवाची काळजी घ्या, तुमच्या जिवापेक्षा मला अधिक मोलाचे काहीच नाही,” असे आवाहन त्यांनी मनसे कार्यकर्त्यांना केले आहे.
#COVID19 #महाराष्ट्र #महाराष्ट्रसैनिक #gratitude #मनसे #MNS pic.twitter.com/sTl9vne2dN
— Raj Thackeray (@RajThackeray) June 12, 2020
राज ठाकरे म्हणाले, “माझ्या वाढदिवशी तुम्ही सगळे दरवर्षी मला शुभेच्छा द्यायला येता, पण या वर्षीची परिस्थिती वेगळी आहे. कोरोनामुळे अनेकांना प्राण गमवावे लागले आहेत. थोडक्यात सर्वत्र चिंतेचे वातावरण आहे. अशा वातावरणात वाढदिवस साजरा करणे अजिबात उचित नाही. म्हणूनच पक्षातील सर्व पदाधिकारी आणि महाराष्ट्र सैनिकांना माझ्या सूचनावजा आदेश आहेत की कोणीही मला शुभेच्छा द्यायला येऊ नका,” असे ते म्हणाले.
“कोरोनाच्या कठीण प्रसंगात महाराष्ट्र सैनिक जीवावर उदार होऊन, मोठ्या प्रमाणात पदरमोड करुन लोकांच्या मदतीला धावून जात आहे. अन्नधान्य वाटपापासून ते रुग्णांना इस्पितळात बेड मिळवून देणारा, रुग्णांच्या कुटुंबियांना धीर देऊन प्रत्येकाच्या गरजेला उभा राहणारा. माझ्या महाराष्ट्र सैनिकांच्या बातम्या माझ्यापर्यंत पोहचायच्या आणि त्या ऐकताना मला एकाच वेळेस आनंद आणि अभिमान दोन्हीही रहायचा. मी खरंच भाग्यवान आहे की मला तुमच्यासारखे सहकारी मिळाले,” असे राज ठाकरे म्हणाले
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
