नागपूर।परिवहनमंत्री अनिल परब यांना ईडीची नोटीस आल्यानंतर ही कारवाई सुडबुद्धीने केली जात असल्याचा आरोप शिवसेनेच्या नेत्यांनी केला आहे. मात्र, याच नोटिशीबद्दल बोलताना विरोधी पक्षनेते देवेंद्र फडणवीस यांनी सावध प्रतिक्रिया दिली आहे. त्यांनी अनिल परब यांना नोटीस मिळाली आहे की नाही, याची कल्पना नाही. ईडी किंवा सीबीआय हे सर्व त्यांच्या परीने काम करतात, असं फडणवीस म्हणाले आहेत.
अशा बातम्या पेरून काहीही होणार नाही
देवेंद्र फडणवीस आज (29 ऑगस्ट) नागपुरात होते. यावेळी माध्यमांशी बोलताना त्यांनी अनिल परब यांना मिळालेली ईडी नोटीस तसेच माजी गृहमंत्री अनिल देशमुख एफआरआय रद्द प्रकरण यावर सविस्तर भाष्य केलं. अनिल परब यांनी ईडीची नोटीस मिळालेली आहे की नाही, याची मला कल्पना नाही, असं फडणवीस म्हणाले. तसेच पुढे अनिल देशमुख यांच्यावर भाष्य केले.माजी गृहमंत्री अनिल देशमुख यांना CBI च्या प्राथमिक तपासात क्लिनचिट मिळाल्याच्या अनेक बातम्या गेल्या काही दिवसांपासून व्हायरल होत आहेत. याचे अनेक फोटोही सोशल मीडियावर व्हायरल झाल्याचे पाहायला मिळत आहेत. यावर बोलताना अशा बातम्या पेरून काहीही होणार नाही. सगळं कायद्यानुसार व्हायला पाहिजे, असे देवेंद्र फडणीस म्हणाले.
एफआरआय रद्द करण्यात यश मिळाले नाही
“अनिल देशमुख क्लीनचीट संदर्भात सीबीआयने स्पष्टीकरण दिले आहे. क्लीनचीट मिळाल्याची बातमी ज्या व्यक्तीच्या नावाने व्हायरल होत आहे, त्याच व्यक्तीच्या सहीने एफआयआर दाखल झाले आहे. सीबीआय एक प्रोफेशनल ऑर्गनायझेशन आहे. सीबीआयने जेव्हा या प्रकरणी एफआयआर केला, तेव्हा एफआयआर रद्द करण्याची मागणी केली गेली. नंतर हे प्रकरण हायकोर्ट आणि नंतर सुप्रीम कोर्टात गेले. तरीही एफआरआय रद्द करण्यात यश मिळाले नाही. अशा बातम्या पेरून कोणाचाही फायदा होणार नाही. आता जे काही आहे ते नियम आणि कायद्याने झाले पाहिजे. हा कुणा व्यक्तीचा प्रश्न नाहीये. शेवटी कायद्याचा प्रश्न आहे. जे काही कायद्याने आहे ते होईल, असे देवेंद्र फडणवीस म्हणाले.
परब यांना हे समन्स जारी करण्यात आलं
अंमलबजावणी संचालनालय अर्थात ईडीने राज्याचे परिवहन मंत्री अनिल परब यांना नोटीस बजावली आहे. या नोटीसनुसार त्यांना 31 ऑगस्टला सकाळी 11 वाजता ईडी कार्यालयात हजर राहण्यास सांगण्यात आलं आहे. माजी गृहमंत्री अनिल देशमुख यांच्या कथित 100 कोटी वसुली प्रकरणात परब यांना हे समन्स जारी करण्यात आलं आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
