मुंबई | येत्या चार महिन्यात पोलीस दलात मोठे फेरबदल होण्याची चिन्हे आहेत. ३१ मे ते ३० सप्टेंबर या कालावधीत मुंबई पोलीस दलाचे आयुक्त दत्ता पडसलगीकरांसह अन्य चार महासंचालक दर्जाच्या अधिकाऱ्यांची सेवानिवृत्ती होत आहे. यामध्ये राज्य पोलीस दलाचे प्रमुख सतीश माथूर सह पोलीस गृहनिर्माण कल्याण महामंडळाचे व्ही.डी. मिश्रा याच्या नावाचाही समावेश आहे.
राज्य पोलीस दलाचे प्रमुख सतीश माथूर यांची सेवानिवृत्ती ३० जूनला होणार असून त्यानंतर अवघ्या दोन महिन्यात म्हणजेच ३१ ऑगस्ट ला मुंबई पोलीस दलाचे प्रमुख दत्ता पडसलगीकर यांची सेवानिवृत्तील होण्याची शक्यता आहे.
- या अधिकाऱ्यांना बढती मिळण्याची शक्यता…
महावितरणचे सुरक्षा संचालक सुरेंद्र पांडे,नक्षलविरोधी अभियानाचे प्रमुख डी. कनकरत्नम, नवी मुंबईचे आयुक्त हेमंत नागराळे आणि ठाण्याचे आयुक्त परमबीर सिंग हे सेवाजेष्ट्यतेनुसार पात्र ठरतात.
३० जूनला राज्य पोलीस दलाचे प्रमुख सतीश माथूर यांची निवृत्ती झाल्यावर त्या ठिकाणी मुंबई पोलिस दलाचे आयुक्त दत्ता पडसलीगर यांची नियुक्ती होणार असल्याची चर्चा आहे पण त्यासाठी मुंबई पोलीस आयुक्तपदी सध्या केंद्रात प्रतिनियुक्तीवरील सुबोध जैस्वाल यांची नियुक्ती झाल्यास हे शक्य आहे. जैस्वाल राज्यात परत न आल्यास त्याठिकाणी सुरक्षा महामंडळाचे महासंचालक संजय बर्वे आणि ठाण्याचे आयुक्त परमबीर सिंग यांची वर्णी लागू शकते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
