मुंबई | राज्यात पेटलेल्या मराठा आंदोलनाची धग राज्यात अद्याप कायम आहे. आरक्षण मिळाल्या शिवाय आपण शांत बसणार नसल्याची भूमिका सध्या मराठा आंदोलकांनी घेतलेली पहायला मिळत आहे. मराठा आरक्षणाबाबत आज उच्च न्यायालयात राज्य सरकारकडून प्रतिज्ञापत्र सादर केले जाणार आहे. राज्य मागासवर्गीय आयोगाने चार दिवसांपूर्वी राज्य सरकारला एक पानी स्टेटस रिपोर्ट दिला आहे. यामध्ये मराठा समाजाच्या शैक्षणिक, सामाजिक आणि आर्थिक मागासलेपणाच्या निकषांवर भर देण्यात आला आहे. मंगळवारी सकाळी ११ वाजता मुंबई उच्च न्यायालयात हे प्रतिज्ञापत्र सादर करण्यात येणार आहे.
या आरक्षणाबाबत सुनावणी मुंबई उच्च न्यायालयात 14 ऑगस्ट रोजी होणार होती. मात्र राज्यातील सध्याची परिस्थिती पाहता, ही सुनावणी लवकर घेण्यात यावी, अशी विनंती याचिकाकर्ते विनोद पाटील यांनी केली होती. त्यामुळे ही सुनावणी सात दिवस आधी घेतली जात आहे. आरक्षणाच्या मुद्यावरुन राज्यभरात आंदोलने सुरु आहेत. याशिवाय आंदोलना दरम्यान आठ तरुणांनी आत्महत्यादेखील केल्याची घटना घडली आहे. या पार्श्वभूमीवर याचिकाकर्त्यांकडून सुनावणी लवकर घेण्याची विनंती करण्यात आली होती. त्याच विनंती वरुन आज उच्च न्यायालयात सुनावणी होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
