मुंबई | राज्यातील एमबीए-एमएमएस सीईटी परीक्षेचा निकाल उद्या (२३ मे) सकाळी ११ वाजरा लागणार असल्याची माहिती उच्च व तंत्रशिक्षणमंत्री उदय सामंत यांनी ट्विट करून दिली आहे. राज्यभरातील सुमारे ३६ हजार जागांसाठी ही प्रवेश पूर्व परीक्षा १४ व १५ मार्च रोजी घेण्यात आली होती.
MAH – MBA /MMS CET २०२० ही परीक्षा दिनांक – १४ व १५ मार्च २०२० रोजी घेण्यात आली होती ह्या परीक्षेला ११०६३१ उमेदवार बसले होते सदर परीक्षेचा निकाल उद्या दिनांक- २३/०५/२०२० रोजी सकाळी ११ वाजता जाहीर होईल- उदय सामंत .
— Uday Samant (@samant_uday) May 22, 2020
दरम्यान, राज्यभरातील १ लाख १० हजार ६३१ विद्यार्थ्यींनी परिक्षा दिली आहे. या परिक्षेचा निकाल ३१ मे रोजी लागणे अपेक्षित होते. मात्र, कोरोनामुळे देशात लॉकडाऊनची जाहीर करण्यात आला होता. त्यामुळे निकाल लांबणीवर केला, आणि याच निकाल उद्या लागणार आहे.
निकाल लागण्यानंतर विद्यार्थ्यांच्या गुणवत्तेनुसार ३६ हजार जागांवर प्रवेश मिळणार आहे. गेल्यावर्षी याच प्रवेश परीक्षेत बोगस प्रवेश आढळल्याने यंदा ‘एमबीए’, ‘एमएमएस’ प्रवेशासाठी अखिल भारतीय उमेदवारी प्रकारात राज्य सरकारची ‘सीईटी’, ‘सीमॅट’ आणि राष्ट्रीय स्तरावर होणारी ‘कॅट’ परीक्षा ग्राह्य धरण्यात येणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
